Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Ақылды мен ақымақ туралы мақал-мәтелдер

«Ақылды мен ақымақ» тақырыбындағы 1053 қазақ мақал-мәтелі әліпби ретімен берілген (5-бет, барлығы 11 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Жаманға, Күн де қараңғы, Түн де қараңғы.
  2. Жаманды жанға санама, Есекті малға санама.
  3. Жаманды жіберсе еркіне, Күнде тышар бөркіне.
  4. Жаманмен егес, жақсымен кеңес.
  5. Жаманмен егескенше, жақсымен кеңес.
  6. Жаманмен ерегескенше, жақсымен кеңес.
  7. Жаманның ақылы көзінде.
  8. Жаманның ақылы түстен кейін енеді.
  9. Жаманның аттан құлағаны да жаман.
  10. Жаманның аяғы сегіз, Бірі шалмаса, бірі шалады.
  11. Жаманның берген асынан, Жақсының берген кеңесі артық.
  12. Жаманның бір қылығы артық, Жағасы жыртық.
  13. Жаманның сөзін сөйлеме, Жалғыздың дауын даулама.
  14. Жантақ жемеген түйенің тілі қышиды.
  15. Жаным, тәнім – май шоқпар.
  16. Жанынан безген мысық Жолбарыстың көзін тырнайды.
  17. Жаңылмайтын жақ жоқ, Сүрінбейтін тұяқ жоқ.
  18. Жапалақ құс мақтанса, «Жардан тышқан алдым» дер. Жаман адам мақтанса, «Жақсының аяғынан шалдым» дер.
  19. Жапалақ мақтанса, «Жерден қоян алдым» дер. Жаман мақтанса, «Жақсының жағасынан алдым» дер.
  20. Жапалақ сипағанмен сұңқар болмас, Жабыны мақтағанмен тұлпар болмас.
  21. Жапалаққа күннен түн жақсы.
  22. Жарқанатқа жарық қас.
  23. Жарлы болар жігітке Қазалы мал тап болар. Жалғыз болар жігітке Бедеу қатын тап болар.
  24. Жарысқа түспе, Атың ариды, тоның тозады.
  25. Жас жалтаңға қашар, Кәрі қалыңға қашар.
  26. Жасқаншақтың жаны тәтті.
  27. Жасқаншақтың көзі сау.
  28. Жасық адам жасына жетпей қартаяр, Асыл адам жасына жетпей марқаяр.
  29. Жасықтың көбінен асылдың азы артық.
  30. Жаужұмыр жақсы болса, итке тастар ма еді.
  31. Жаулық тартқанның бәрі қатын емес, Бөрік кигеннің бәрі батыр емес.
  32. Жегені – кебек, кигені – жібек.
  33. Жел сөзбен жәрдем берген, Есектен сауын берген.
  34. Жемісті ағаштың мәуесі төмен.
  35. Жең ұшынан жалғасқан.
  36. Жеңіл тулақ желге ұшар.
  37. Жеп жеті болмас, жалап жетпіс болмас.
  38. Жетелеген ит аңға жарамас.
  39. Жетелеген төбет қораға үрмес.
  40. Жетесі асыл арланбас, Жеті атасына дарымай.
  41. Жетесізге сөз өтпейді.
  42. Жиен неге ел болмайды, малы болса; Желке неге ас болмайды, майы болса.
  43. Жоғалған пышақтың сабы алтын.
  44. Жоғалмағанның бәрі түгел.
  45. Жоқты бардай, ақсақты тыңдай етеді.
  46. Жоқты жара деме, Көлеңкені қара деме.
  47. Жоқты жонады.
  48. Жорғадан туған жортақ бар, Шеберден туған шорқақ бар, Батырдан туған қорқақ бар.
  49. Жорғаның қадірін желгенде біледі, Жақсының қадірін өлгенде біледі.
  50. Жуас тананы патша мінеді, Жуас адамды әркім іледі.
  51. Жуас түйеге әркім ие.
  52. Жуастан жуан шығады.
  53. Жуастың бір аты жаман.
  54. Жұмсақ ағаш құртқа жем, Жуас адам жұртқа жем.
  55. Жұрт жаманға қалды, Жүк тайлаққа қалды.
  56. Жұрттан Сүлеймен туады, Бізден сілейген туады.
  57. Жұрттың Ыбырайы – Ыбырай, Біздің Ыбырай – сұмырай.
  58. Жұт болса ит семіріп, Иесіне айбат қылады. Дау болса би семіріп, Еліне айбат қылады.
  59. Жүйрік ат шаппаса да, қырындайды.
  60. Жүйрік атқа мінген Құдайын ұмытар.
  61. Жүйрік бестіден, Кеңдік келбеттіден шығады.
  62. Жүйрік тоқтығын білдірмес.
  63. Жүйрікке – тұмар.
  64. Жүйрікке озудан қалу қиын.
  65. Жүйріксіз шабан болмас.
  66. Жүйріктен жүйрік шықса, аяғы тыпыр-тыпыр етер.
  67. Жүйрікті кекіл қағысынан байқайды.
  68. Жүрем десең, көре бересің, Көре берсең, көне бересің.
  69. Жығылған сүрінгенге күледі.
  70. Жылағанды сұрама, Күлгенді сұра. Жылағанның мұңы бар, Күлгеннің сыры бар.
  71. Жылайтын баланың үш күн бұрын көзі қышиды.
  72. Жылан иреңдеп жүреді, сүйрендеп күледі.
  73. Жылан өз бойына қарамай, Түйе мойнын иір дейді.
  74. Жыланға түк біткен сайын қалтырауық.
  75. Жылап жеп, шыңғырып тышқан.
  76. Жылқының жауы – бөгелек, Жыланның жауы – дегелек.
  77. Жылпос майдай жағылар.
  78. Жылтырағанның бәрі алтын емес.
  79. Жылуы болмаса, түбіт қасиетсіз, Жігері болмаса, жігіт қасиетсіз.
  80. Жындыға талқан да бір шалқан да бір.
  81. Жыртық ауыз тыртық ауызға күледі.
  82. Жыртық келіге жамаулы келсап.
  83. Жыртық тесікке күледі.
  84. Жігітсінген желбуаз келеді.
  85. Заманадан қорлық көрсең, Зұлымды аға дерсің.
  86. Заманың түлкі болса, бүркіт боп шал.
  87. Заманың түлкі болса, тазы боп шал.
  88. Зерек ақыл – суық мұз.
  89. Зор зорға құлайды, Аңғырт орға құлайды, Аңғал торға құлайды.
  90. Иегі қисықтың сақалы түзу болмас.
  91. Ине жұтқан иттей имеңдеген.
  92. Ит айдауға көнбейді, Шошқа байлауға көнбейді.
  93. Ит арбаның астында жатып «сүйредім» дер.
  94. Ит ашуын тырнаумен алады.
  95. Ит баласы – сүйгінші, Тұра бара құсқыншы.
  96. Ит жеңгенін талайды.
  97. Ит жүйрігін түлкі сүймес.
  98. Ит итке жерошақта жолығады, Қу қуға намаздігер – намазшамда жолығады.
  99. Ит итті жұмсайды, Ит құйрығын жұмсайды.
  100. Ит қорыған жерге өш.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ