Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Азамат, жігіт, ер туралы мақал-мәтелдер

«Азамат, жігіт, ер» тақырыбындағы 172 қазақ мақал-мәтелі әліпби ретімен берілген (1-бет, барлығы 2 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Абыройлы болар жігіттің Алғашқы ұрлығы ашылар.
  2. Азамат жолы – ар жолы.
  3. Азамат қолымен істегенін мойынымен көтереді.
  4. Айға шапқан арыстанның ашуына болайын, Жауға шапқан батырдың тасуына болайын, Үйде қалған қорқақтың, сасуына болайын.
  5. Айырдан туған жампоз бар, Нар емес десе нанғысыз. Қарадан туған жігіт бар, Ханға күнін салғысыз.
  6. Ақ білектің күші, Ақ найзаның ұшы.
  7. Алпыстағы атаңды жыққанша, Алтыдағы атанды жық.
  8. Алыссаң, атаң болса да жық, Аясаң, көтеріп жібер.
  9. Арға тартпай арман құл, Намыс қумай мақсат тұл.
  10. Арғымаққа оқ тисе, Мәстектей туламас.
  11. Арманмен алысқан – тарлан.
  12. Ат сыны – біреу, ер сыны – мың.
  13. Ат шабысымен қадірлі, Ер табысымен қадірлі.
  14. Атан өлсе сойылар, Арыс өлсе қойылар, Қансонар қайдан табылар?
  15. Аттан аттың несі артық? Жүрісі мен күші артық; Ерден ердің несі артық? Ерлігі мен ісі артық.
  16. Атты арбада көр, Жігітті ордада көр.
  17. Атты қамшы айдайды, Ерді намыс айдайды.
  18. Ауыр жүкті нар көтереді, Ауыр қайғыны ер көтереді.
  19. Әр жігіттің өзі шығар биігі бар.
  20. Бай тоқ болмас, Батыр аш болмас.
  21. Бақ қонбас жігіттің іздегені дес болмас.
  22. Бақ-бақ еткен текені, Қар жауғанда көр. Батырсынған жігітті, Жау келгенде көр.
  23. Баталы батыр арымас.
  24. Батыл болсаң, батыр да боласың.
  25. Батыр – айғақ, палуан – куә.
  26. Батыр бастас.
  27. Батыр жігіт жол бастар, Ақын жігіт той бастар.
  28. Батыр қол бастар, Шешен сөз бастар, Көсем жол бастар.
  29. Батыр өлсе, аты қалады, Үргелек өлсе, артында несі қалады?
  30. Батырға оқ дарымайды, Батылға жау жоламайды.
  31. Батырдан барымташыл туады.
  32. Батырлық айқаста танылар.
  33. Белдескеннің белін сындырар, Тірескеннің тізесін бүктірер.
  34. Ғұмырың бір күн болса да, жорға мініп өт.
  35. Ездің тілі – батыр, Ердің қолы – батыр.
  36. Елуінде ер дана.
  37. Ер айтпас, айтса қайтпас.
  38. Ер бала өкпешіл болса, Ырысқа кесір болар.
  39. Ер басына жау келсе, Ерлігі кетер басынан. Би басына дау келсе, Билігі кетер басынан.
  40. Ер басына күн туса, Долданар да, тасынар. Жауын жеңсе жарқырап, Жауған күндей ашылар.
  41. Ер екі айтса – ез, Хан екі айтса – қатын.
  42. Ер елуде бала мінезді, Ер сайыста шала мінезді.
  43. Ер жолдасы – тәуекел.
  44. Ер жігіт бір күнде бір кісілік, Бір күнде мың кісілік.
  45. Ер жігіт не көрмейді, Ер көңіл не бермейді.
  46. Ер жігіт үйде туып, түзде өлер.
  47. Ер жігіт үйден шықса, үйіріне қосылады.
  48. Ер жігітке өлім бар да, қорлық жоқ.
  49. Ер жігітке серуен де серуен, Сергелдең де серуен.
  50. Ер жігіттің екі сөйлегені – өлгені, Еменнің иілгені – сынғаны.
  51. Ер кезегі үшке дейін.
  52. Ер күйігінен жер күйігі жаман.
  53. Ер қанаты – ат.
  54. Ер қартайса, еркі кетер, Әйел қартайса, көркі кетер.
  55. Ер қартайса, қазаншыл болады, Бүркіт қартайса, тышқаншыл болады.
  56. Ер қаруы – бес қару.
  57. Ер қуаты – қаруы.
  58. Ер мойнында қыл арқан шірімейді.
  59. Ер намысына қарай шабады.
  60. Ер не көрмейді, Ер көңіл есе бермейді.
  61. Ер өтірік айтпайды, ез өтірік айтады.
  62. Ер сасқанда белгілі, Ат шапқанда белгілі.
  63. Ерге берсең асыңды, Ерлер сыйлар басыңды.
  64. Ерге дәулет бітерде, Қарға салса, қаз алар. Ерден дәулет кетерде, Лашын салса, аз алар.
  65. Ерден ердің қаупі бар.
  66. Ерді жаяулық емес, қаяулық аздырар.
  67. Ерді кебенек ішінде таны.
  68. Ерді көрсең, Қыдыр тұт, Асты көрсең, қадір тұт.
  69. Ерді намыс өлтіреді, Қоянды қамыс өлтіреді.
  70. Ердің басы – тәуекел.
  71. Ердің жасы – екі елу.
  72. Ердің құны – екі елу.
  73. Ердің құнын: жастың жайсаңы даулайды, не кәрінің шайтаны даулайды.
  74. Ердің ісі – келісу, Ездің ісі – керісу.
  75. Еркек қозы – құрбандық.
  76. Еркек қой бұралқы болмас.
  77. Ерлігі бар елге жағар. Айласыз батыр алдырар.
  78. Ерлік білекте емес, жүректе.
  79. Ерлік көрсеткенге оқ та дарымас.
  80. Ерлік өлім – өлмейтін өмір.
  81. Ерлік өлім ерді көбейтеді.
  82. Ерлік өлім қадірсіз өмірден артық.
  83. Ерлікте қорлық жоқ.
  84. Ерліктің шарты – өзіне сенгендік.
  85. Ертеңін ойламаған еркектен без.
  86. Ерікті ауызға бөрікті бас сыяды.
  87. Жабағы – тай деп қорлама, Жолға шықса, ат болар.
  88. Жақсы ат пен жақсы жігіт көптікі.
  89. Жақсы аттың жалын сақтағанша, Жақсы жігіттің арын сақта.
  90. Жақсы жігіт жер шолып, ақыр түбі айналар.
  91. Жақсы жігіт он бесінде жас емес, Жүзге келсе пәс емес.
  92. Жақсы қошқар жарты отар қойға тең.
  93. «Жақсымын» деп мақтанба, халық айтпай, «Батырмын» деп мақтанба, барып қайтпай.
  94. Жалғыз аттың пайдасы көп, Жалғыз жігіттің айласы көп.
  95. Жарым жігіт жаяу жүріп, тың киікті қуады.
  96. Жасауылың тырна болса, Күнің қиқуымен өтер.
  97. Жау жеңетін жігітті, Жарағынан таниды. Дау жеңетін жігітті Талабынан таниды.
  98. Жауды қара қашырды, Батыр атағын Барақ алды.
  99. Жауынгерге жара да жарасады.
  100. Жер нені көтермейді, Ер не көрмейді.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ