Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Менмендік, тәкаппарлық туралы мақал-мәтелдер

«Менмендік, тәкаппарлық» тақырыбындағы 58 қазақ мақал-мәтелі әліпби ретімен берілген. Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Адамзаттың баласы кім болса да, Жолда жатыр деп басып өтпе.
  2. Ай сұлу көрінер толғаннан соң, Жігіт асып сөйлейді болғаннан соң.
  3. Айхай, көкірек, не демейді сұм жүрек!
  4. Ақсұңқар торға жолығар, Арғымақ орға жолығар. Менменсіген жігіт, Өзінен зорға жолығар.
  5. Ақсұңқар, ұшқырмын деп мақтанба, Алдыңда құрулы тор бар.
  6. Ақсұңқар, ұшқырмын деп мақтанба, Алдыңда құрулы тұрған торлар бар. Арғымақ, жүйрікпін деп мақтанба, Алдыңда қазулы тұрған орлар бар.
  7. Ақылды мақтанса, істі тындырар, Ақылсыз мақтанса, аяғын сындырар.
  8. Ақылдының белгісі: Байыса аспайды, Дәрежесіне таспайды.
  9. Ақылсыз адам менмен келер, Ақылды адам кеңнен келер.
  10. Ақылсыздың мені зор, Тәкаппардың сені зор.
  11. Ақымақты мақтасаң, қуанады.
  12. Ақымақтың өзі білмес, басқаны көзге ілмес.
  13. Алдияр, алдияр десең – дандияр (далияр).
  14. Алшаңдаймын деп алшаңнан түспе.
  15. Арғымақ, жүйрікпін деп мақтанба, Алдыңда талай өрлер бар.
  16. Арғымақ, жүйрікпін деп мақтанба, Алдыңда талай өрлер бар. Ақсұңқар, алғырмын деп мақтанба, Алдыңда құрулы торлар бар.
  17. Арғымаққа міндім деп, Артқы топтан адаспа. Күнінде өзім болдым деп, Кеңпейілмен таласпа.
  18. Арыстан асқынса, айға шабады.
  19. Арыстан асқынса, айға шабар, Ақымақ асқынса, анасын сабар.
  20. «Арыстанмын» дегендер Әдетте кесіртке болады.
  21. Асқақтаған амалшыдан Аяңдаған адал озар.
  22. Асқақтаған ұлық болмайды, Жемісті ағаш биік болмайды.
  23. Асқанға аспан да аласа.
  24. Асқанға риза болма, Сасқанға риза бол.
  25. Асқаныңа емес, сасқаныңа ризамын.
  26. Аспа, асқан жетер басқа.
  27. Ассаң, аспаққа асыларсың, Бәсең болсаң, бәйгеге қосыларсың.
  28. Астамшылық – азғындық.
  29. Асып қарама, басып қара.
  30. Ат қартайса Жасқаншақ болады, Ер қартайса, Мақтаншақ болады.
  31. Ата-ананың сөзін жерге тастама, Байып алсаң, менмендікке бастама.
  32. Атыңды мақтама, Жүрісінен жаңылады. Қатыныңды мақтама, Жүрегінен қабынады.
  33. Әйел асқақтаса – жылағаны, Ер асқақтаса – құлағаны.
  34. Әйелдің өркөкірегі қор болады, Еркектің өркөкірегі зор болады.
  35. Әлді адам шалқақ келеді, Әлсіз адам жалтақ келеді.
  36. Бай дегенге мерейіп, Мұрт-сақалы серейіп.
  37. Бай кедей болса да, мақтанғанын қоймайды.
  38. Бай мақтанса табылар, Жоқ мақтанса шабылар.
  39. Бай мақтанса, бір жұттық, Батыр мақтанса, бір оқтық.
  40. Бай мақтанса, май табылар, Жоқ мақтанса, не табылар.
  41. Байлық іздеп, мақтан тілеп жортқан да, Жарасады кісілігі артқанға.
  42. Баймен құда болсаң, шіренер, Жарлымен құда болсаң, тіленер.
  43. Баймын деп мақтанба, жарлылық бар. Көппін деп сұқтанба, жалғыздық бар.
  44. Байығанда бас имес, ол – адамның әлсізі.
  45. Баласын мақтар бас жаман, Қатынын мақтар қас жаман.
  46. Бар болсаң, бармын деме, Жоқ болсаң, жоқпын деме.
  47. Бар мақтанса, табылар, Жоқ мақтанса, шабылар.
  48. Басым бар деп топтанба, Малым бар деп мақтанба.
  49. Батыр мақтанса, жауға шапқанын айтар. Қу мақтанса, алдап соққанын айтар.
  50. Бәсең болсаң, бәйгеге қосыларсың, Аса берсең, аспаға асыларсың.
  51. Болған кісі болдым демес, Болдым десе болғаны емес.
  52. Бос кеуделер көрсе дәулет шіркінді, Тістей қатар бос жібермей бір күнді.
  53. Бөспе атаққа қызығады, Бөрі тамаққа қызығады.
  54. Білемін деп мақтанба, сенен де білгіш табылар.
  55. Біліксізге төр тисе, «төмен» дейді.
  56. Білімдіні білімі үшін мақтайды, Бейшараны «қам көңіл» деп жақтайды.
  57. Біреуге етсең зорлық, Өзіңе келер қорлық.
  58. Біткен соң мақта кеспейді, Қоя тұр бітпей бөскенді.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ