Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Қол өнері туралы мақал-мәтелдер

«Қол өнері» тақырыбындағы 68 қазақ мақал-мәтелі әліпби ретімен берілген. Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Асыл тастан шығады, Өнер жастан шығады.
  2. Бит терісін Биялай еткен шебер.
  3. Болат біз қап түбінде қалмас.
  4. Бояушы, бояушы дегенге, Сақалын бояр.
  5. Бөрі соғар жігіттің Бөрігінен белгілі. Балта соғар жігіттің Көрігінен белгілі.
  6. Біреу күймеге қарайды, Біреу күймеге таққан түймеге қарайды.
  7. Ерегісте ентігіп, Ең алдына түспеңіз. «Ұстамын» деп, жең түріп, Үлгісіз тон пішпеңіз.
  8. Жайсыз болған жаздан Жайлы келген қыс артық. Көріксіз соққан күмістен Келісті соққан мыс артық.
  9. Жаман етікші біз таңдайды, Жаман жігіт қыз таңдайды.
  10. Жас күніңде өнер қусаң, Тоқтасқанша толығарсың. Тоқтасқан соң өнер қусаң, Толыққанша зорығарсың.
  11. Жолаушыны жол асырайды, Өнерпазды қолы асырайды.
  12. Жұмыстың көзін тап, Қисықтың ізін тап.
  13. Жібекті түте білмеген жүн етер, Қызды күте білмеген күң етер.
  14. Жігіт адамға жетпіс өнер де аз.
  15. Зергер – ісмер жезге үйір, Сыршыл адам сөзге үйір.
  16. Ине, жібі бар әйелдің Үсті-басы жыртылмайды.
  17. Кеңесіп пішкен бешпетте Кемдік болмас.
  18. Керек тастың ауырлығы жоқ.
  19. Киім пішсең кең піш, Тарылтуың оңай. Темір кессең қысқа кес, Ұзартуың оңай.
  20. Көзсіз жұмсаған – күш арам, Көріксіз істелген – іс арам.
  21. Күміс күнге қонса, Алтын өз аяғымен келер.
  22. Кілең шебер жиналса, Істері тез қызады, Кілең олақ жиналса, Біткен істі бұзады.
  23. Қазаншының еркі өзінде, Қайдан құлақ шығарса.
  24. Қазаншының өз еркі Қайдан құлақ шығарса.
  25. Қайратыңа әдісіңді жолдас ет.
  26. Қара суда қаймақ болмас, Хас шеберде оймақ болмас.
  27. Қас шебердің Шанышқан инесі тонына кіреді. Хас шебердің Шанышқан инесі қолына кіреді.
  28. Қолы жатықтың Ішкені қатық болар.
  29. Қолында өнері бардың, Аузында өлеңі бар.
  30. Қолында өнері бардың, Белінде кемері бар.
  31. Қына тастан шығады, Өнер, білім жастан шығады.
  32. Озар елдің қызы мінезді, Ұлы өнерлі келеді.
  33. Олақтан салақ жаман.
  34. Орман аралаған үйші болар, Қобыз сыралаған күйші болар.
  35. Отындық ағаштан Оқтық мүсін шығады.
  36. Өзіңе бой болмаған, Өзгеге жең шықпас.
  37. Өнер – мінсең ат, Ұшсаң – қанат. Кисең – жанат, Ішсең – тамақ.
  38. Өнер ауысады, Ырыс жұғысады.
  39. Өнер өрге жүзгізеді.
  40. Өнер өрмек тоқытады.
  41. Өнер тамған он саусақ – Үзілмейтін ырысың. Өнері жоқ он саусақ, Бар болмай-ақ құрысын.
  42. Өнерден сауған – өлмес.
  43. Өнерді үйрен де жирен.
  44. Өнерлі адам бай болмас, Бай болмаса да жай болмас.
  45. Өнерлі бала елдің көркі, Үкілі қамыс көлдің көркі.
  46. Өнерлі қол пішуге жақсы, Өткір қайшы кесуге жақсы.
  47. Өнерлінің үйі басында, Үскенесі қасында.
  48. Өнері өлмес, үміт сөнбес.
  49. Өнеріне қарай – өрнегі, Тірлігіне қарай – тірнегі.
  50. Өрмесі бардың – ермегі бар.
  51. Сөйлей білмеген, Сөзді қор етер. Тіге білмеген, Бөзді қор етер.
  52. Тамызығын тапсаң, тас та жанады.
  53. Темірге тіл, Жаңқағажан бітіретін...
  54. Темірші балтаға жарымас, Қайыршы қалтаға жарымас.
  55. Теміршінің қолында Темір тозбайды.
  56. Туырлықтай киізден Тоқым шықпапты.
  57. Ұзынсыз қысқа болмас, Үлгісіз ұста болмас.
  58. Ұстамен жақын болсаң, Ұстарасын аларсың. Мүттайыммен жақын болсаң, Пәлесіне қаларсың.
  59. Ұстаның бізі сүйкімді, Жақсының сөзі сүйкімді.
  60. Ұстаның өрісі Көрігінен төсіне дейін.
  61. Ұшын түймегеннің Үш шаншымы бос кетер.
  62. Шаштараз сақал түзетер, Өнерпаз шаһар түзетер.
  63. Шеберді саусағы асырайды. Шеберді шеге қағысынан таны.
  64. Шеберді шеге қағысынан таны.
  65. Шебердің қолы көпке ортақ.
  66. Шегені қаға білмесең, Қолыңды ұрасың, Түймені таға білмесең, Қолыңа ине тығасың.
  67. Шын болат шорт сынар.
  68. Істің көзін таппағанның Күші зая, Еңбегі ештің Істеген ісі зая.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ