Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Дос-дұшпан туралы мақал-мәтелдер

«Дос-дұшпан» тақырыбындағы 127 қазақ мақал-мәтелі әліпби ретімен берілген (1-бет, барлығы 2 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Адамдықтың белгісі – иіліп сәлем бергені. Шын достықтың белгісі – көп кешікпей келгені.
  2. Адамдықтың белгісі – Иіліп сәлем бергенің. Шын достықтың белгісі – Шынайы көмек бергенің.
  3. Адамның ары – оның досы.
  4. Аз деп жауды аяма.
  5. «Аз екен» деп жауыңа мұрсат берме.
  6. Айнымас жүрек, ер көңіл, Ер жігіттің серігі.
  7. Айрылар дос ердің артқы қасын сұрар.
  8. Айтулы достың жаны бір.
  9. Айтысқан соң – дау, Алысқан соң – жау.
  10. Айтысқан соң дау емес пе, Алысқан соң жау емес пе.
  11. Айырылар дос аяулыңды сұрайды.
  12. Ақыл – адам көркі, Ақылдың сабыр – серігі.
  13. Ақыл – дос, ашу – дұшпан.
  14. Ақыл – саған ізгі дос, әділ жолдас.
  15. Ақылдан жақын дос бар ма?
  16. Ақылды дұшпан тентек достан артық.
  17. Ақылды қасыңнан қорықпа, Жарымес досыңнан қорық.
  18. Ақылсыз достан ақылды дұшпан артық.
  19. Ақымақ достан ақылды дұшпан артық.
  20. Ақымақпен астаспа, Ақылдымен қастаспа.
  21. Ақымақпен дос болма.
  22. Ақымақтың досы көп.
  23. Ала ауыз болса ауылың, Жау шабуылын баса алмас.
  24. Алысқан жауға арқаңды көрсетпе.
  25. Алыста жүрген дұшпаннан, Жаныңнан аңдыған дос жаман.
  26. Алыстағы досыңа Ат берсең де жарасар, Үйіне мініп барсын деп. Жақындағы досыңа, Хат берсең де жарасар, Ұмытса есіне алсын деп.
  27. Амалы таусылған дұшпан Шын достыққа көшеді.
  28. Аңдыған жау алмай қоймас.
  29. Аңдысқан ауыл болмайды, Есептескен дос болмайды.
  30. Аңдысқан жау алмай қоймас.
  31. Арғымақтың баласы, Арыса, сыны қайтар ма! Асыл заттың баласы Дұшпанға сырын айтар ма!
  32. Арыстан болсаң жауың үшін, Түлкіден болсын әдісің.
  33. Арыстандай жау үшін, Түлкідей болсын әдісің.
  34. Ас табылмайды, ас табылса, беруге дос табылмайды.
  35. Аспанға бұлт үйірілсе, жауын көп. Басыңа бұлт үйірілсе, жауың көп.
  36. Асың болса досың көп.
  37. Ат кекілін кесіп өш болады, Ат кекілін сипасып дос болады.
  38. Ат-атаның сай болса, Қашсаң, жаудан кетерсің, Қусаң, жауға жетерсің.
  39. Аталы жау дос болмас.
  40. Атаңды жау шапса, бірге шап.
  41. Атасы басқамен жолдас болсаң, Атар да, жанына байланар.
  42. Аттанған жау атасын танымайды.
  43. Аузың толған түк болса да, Дұшпан алдында түкке жарамайды.
  44. Ауыз тамыр – айтысар, Сүйек тамыр – табысар.
  45. Ауыз тамыр айтысып ауысқанын алар, сүйек тамыр сүйеніп күнелтер.
  46. Ауыл итінің достығы Сүйек тастағанша.
  47. Ашу – дұшпан, ақыл – дос, Ақылыңа ақыл қос.
  48. Ашу – дұшпан, Ақыл – дос.
  49. Аянбаған жауды алар, Абайлаған дауды алар.
  50. Әйел адам сырыңды алса, Дұшпан үштен бірін алады.
  51. Әкесі құрдастың – баласы құрдас.
  52. Байлаусыз ақыл – тәуекелдің дұшпаны.
  53. Байлық – нағыз дұшпан.
  54. Бақыт басқа қонарда, Алысып жүрген дұшпандар Алдыңа келіп, дос болар. Бастан бақыт ұшарда, Жан аяспас достарың Қарап жүріп, қас болар.
  55. Бақыт басқа қонғанда, Алысып жүрген дұшпандар Алдыңа келіп дос болар. Бастан бақыт ұшарда, Жан аяспас достарың Қарап жүріп қас болар.
  56. Барыс-келіс – достың ісі, Ұрыс-керіс – қастың ісі.
  57. Басқа санасаң өзге, Қасқа санасаң көзге.
  58. Батыр жауда көрінеді, Данышпан дауда көрінеді.
  59. Батыр жаусыз болмас.
  60. Батыр жаусырамаса, батыр бола ма!
  61. Батырдың атын жау шығарады, Шешеннің атын дау шығарады.
  62. Бейтаныс кісі бітеу жаңғақ. Бүгінгі дос ертең жау. — Абай
  63. Береке достық шақырады, Берекесіз қастық шақырады.
  64. Бүйірден соққан жау жаман. Гүрілдеп келген жаудан, Күлімдеп келген жау жаман.
  65. Бытырай қашса, жау оңбас.
  66. Білектегі жаудан жүректегі жау қиын.
  67. Білімдімен жолдас болсаң, Білікті боларсың.
  68. Бір мылтықтың аузына мың кісі сыяды.
  69. Бірге келген жолдас, Бұрын қайтқан оңбас.
  70. Гүрілдеп келген жаудан, Күлімдеп келген қас жаман.
  71. Даттаушы түгел жау емес, Мақтаушы түгел ел емес.
  72. Дау – айтыс, барымта – қайтыс.
  73. Дау айтысады, жау атысады.
  74. Дұшпан дос арасынан шығады.
  75. Дұшпан жоқ деме, дұшпан аяқ астында.
  76. Дұшпан көзі төртеу.
  77. Дұшпан не демейді, Түске не кірмейді?
  78. Дұшпан шақырса барма, Дос шақырса қалма.
  79. Дұшпанға сырыңды берме, сыр алдырып қырыңды берме.
  80. Дұшпаннан түк тартсаң да пайда.
  81. Дұшпанның күлгені – сырыңды білгені.
  82. Дұшпанның шырқын алам десең суыртпақтап сырын ал.
  83. Дұшпаның көзге мақтар, арамдығын ішіне сақтар.
  84. Дұшпаныңнан бір сақтан, Жаман достан мың сақтан. Дұшпаныңнан бір сақтан, сырты майда, іші қан. Ел ішіңде жар-жора достарыңнан бір сақтанғанда мың сақтан.
  85. Жалынсаң, жау басынар, Басынар да, басыңа шығар.
  86. Жау атыспай беріспейді.
  87. Жау болжаусыз, ажал болжаусыз.
  88. Жау да бір, жыртқыш аң да бір.
  89. Жау жағадан алғанда, Бөрі етектен алады.
  90. Жау жоқ деме, жар астында, Бөрі жоқ деме, бөрік астында.
  91. Жау жоқта жарақ көп, Жау келгенде таяқ табылмас.
  92. Жау сырыңды алса, қырыңды алар.
  93. Жау төнгенде батыл бол, Дау төнгенде ақыл бол.
  94. Жауға барсаң, кесерді ал, Дауға барсаң, шешерді ал.
  95. Жауға жаның ашымасын.
  96. Жауға қойыңды қалдырсаң да, Сойылыңды қалдырма.
  97. Жауға қолдың күшін жұмса, найзаның ұшын қада.
  98. Жауға қырыңды берсең де, сырыңды берме.
  99. Жаудан жақындық іздеме.
  100. Жауды аяған жаралы.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ