Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Көлік туралы мақал-мәтелдер

«Көлік» тақырыбындағы 82 қазақ мақал-мәтелі әліпби ретімен берілген. Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Ағаштан ат мінбе, Жаманнан дат ілме.
  2. Адам болар жігіттің, Жары өзіне лайық. Керуен бастар жігіттің, Нары өзіне лайық.
  3. Адамды сыбыс аздырады, Атты мініс аздырады.
  4. Азусыз ат, Азулы бие мінген жігіттің арманы жоқ.
  5. Ай артынан ай өтер, Атпен қусаң жеткізбес. Жыл артынан жыл өтер, Желмен қусаң жеткізбес.
  6. Ай мінбей, Атыңды мақтама, Жыл тұрмай, Қатыныңды мақтама.
  7. Айғыр берсе, мініп ал, Шапан берсе, киіп ал.
  8. Айғыр мінсең, құлын жоқ, Бие мінсең, қымыз жоқ.
  9. Айғырыңды мінгенің – Биенің қысыр қалғаны. Немеренің ақылы – Еңбегіңнің жанғаны.
  10. Айдаған өгіз арбаның жүгі өгізге түсер.
  11. Ақыл дария екен, Көңіл дүлдүл екен.
  12. Ақылсыз атқа мінсе, Атасын басып кете жаздайды.
  13. Ақырын-ақырын мінсе болар тор атқа, Ақырындап барып жетсе болар мұратқа.
  14. Ал тегершін қайда жүрсе, Арт тегершін сонда жүрер.
  15. Алғаның жақсы болса, Бұл дүниенің шырағы. Мінгенің жақсы болса, Бұл жалғанның пырағы.
  16. Алдыңғы арба қалай жүрсе, Соңғы арба солай жүреді.
  17. Алдыңғы тегершік қайда жүрсе, артқы тегершік сонда жүрер.
  18. Алдыңғы түйе итіншек, Артқы түйе тартыншақ.
  19. Алмауыттан ат мінсең, Жақын болар алысың. Әдепті, арлы жар сүйсең, Оңғарылар бар ісің.
  20. Алты ай мінсе арымас.
  21. Алтын артқан атанның да Алдында есек, артында ит жүреді.
  22. Алыс жол атты сынайды, Ауыр жүк атанды сынайды.
  23. Алыстан арбалағаннан, Жақыннан дорбалаған артық.
  24. Арба айдаған алдына қарайды, Түйе жетектеген артына қарайды.
  25. Арба иесі – күпшек, Киіз иесі – білек.
  26. Арба иесі көпшіктер, Кигіз иесі білектер.
  27. Арба кімдікі болса, Күпшек сонікі.
  28. Арба өгізге келмейді, Өгіз арбаға келмейді.
  29. Арбадан құда түссе, атқа жеңіл.
  30. Арбалыға жолдас болма, Жорғалыға жолдас бол.
  31. Арбалыға жорғалы жолдас болмас.
  32. Арбаны ат тартпайды, Арпа тартады.
  33. Арбаны ат тартпайды, Жем тартады.
  34. Арбаның алдағы дөңгелегі қайда жүрсе, Соңғы дөңгелегі сонда жүреді.
  35. Арбасы алда, аты артта.
  36. Арғымақ болса мінгенің, Алыс жер жақын емес пе? Ақылды болса сүйгенің, Аласың жақын емес пе?
  37. Арғымақ мінген арымас.
  38. Артқан кісінің түйесі, Сауған кісінің биесі, Қашан келеді иесі.
  39. Арықты мінгенше аяғыңа мін.
  40. Ас ішерде керек, Көлік көшерде керек.
  41. Астыңда атың болса, Арғымақ не керек? Жақсы қатының болса, Ұжмақ не керек!
  42. Асыққан аттыдан асықпаған жаяу озады.
  43. Асыққан жолаушы Атына теріс мінеді.
  44. Асыққан кісі зиянға келер, асықпаған арбамен қоян алар.
  45. Асықпаған арбамен қоянға жетеді.
  46. Ат аяған ат мінер, Тон аяған тон киер.
  47. Ат әрі көлік, әрі жолдас, Әрі мүлік, әрі ас.
  48. Ат жалдаған өтер, Ит жалдаған кетер.
  49. Ат мінсе ауына тартады.
  50. Ат сабылды – жоқ табылды.
  51. Атан жүгі ас болса да, Ашқа аз көрінер.
  52. Атан өгіз мүйізімен де Соқа сүйрей алады.
  53. Атан түйе жүк астында қартаяр.
  54. Атасы басқа аттан түс, Аталасым, атқа мін.
  55. Атқа мінгеспе, Мінгессең, үндеспе!
  56. Атты ақысын жаяуға жібермейді.
  57. Атты жолдас болмайды Арбалымен. Жортақ жолдас болмайды Жорғалымен.
  58. Атты күнде мінсең – тулақ, Аптада мінсең – қунақ, Айына мінсең – ат, Жылына мінсең – тұлпар.
  59. Аттыға еремін деп, Тайлының қаңы жыртылыпты.
  60. Аттыға еріп жаяудың таңдығы айрылады.
  61. Аттыға жаяу жолдас болмас.
  62. Аттылы, жаяу келеміз баяу.
  63. Аттының атын алған, жаяудың таяғын алған.
  64. Аттың жалында, Атанның қомында.
  65. Аты барға Тай мінсе де жарасар.
  66. Аты семіздің – жолы тегіс.
  67. Атың болмаса, Аяғыңа жалын, Аяғың болмаса, Таяғыңа жалын.
  68. Аш итке ас берсең, Анаңа тартқаның. Жаяуға ат берсең, Атаңа тартқаның.
  69. Ашаршылық көрмеген, ас қадірін білмейді, жаяушылық көрмеген, ат қадірін білмейді.
  70. Бай ат мінсе, «Қайырлы болсын!» дейді. Жарлы ат мінсе, «Қайдан алдың?» дейді.
  71. Байға барсаң, жорға береді, Кедей атын зорға береді.
  72. Байтал мінсең, құлын жоқ, Саумал ішсең, қымыз жоқ.
  73. Байтал мінсең, құлын жоқ.
  74. Баланы жұмсағаның білінбес, Тайды мінгенің білінбес.
  75. Баланың қылғаны білінбейді, Тайдың мінгені білінбейді.
  76. Баланың істегені білінбейді, Тайдың мінгені білінбейді.
  77. Баласы жақсының әкесін ат үстінен көтеріп алады, Баласы жаманның әкесін ат үстінен ит қабады.
  78. Бие мінсең, құлын жоқ, Саумал ішсең, қымыз жоқ.
  79. Бойың қысқа болса, Түйеге мін, Бойың ұзын болса, Есекке мін.
  80. Боларыңды біліп өт, Бозжорғадай желіп өт. Боларыңды білмесең, Болмасыңды білген соң, Болған ердің қосын жек.
  81. Болмасыңды білген соң, Болған ердің қосын жек. Өзің адам болған соң, Аударып тастап атпен кет.
  82. Бір мінсең де, жорға мін, Бүлкілдесін бүйрегің. Бір ұрттасаң да, май ұртта, Кілкілдесін жүрегің.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ