Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Достық туралы мақал-мәтелдер

«Достық» тақырыбындағы 389 қазақ мақал-мәтелі әліпби ретімен берілген (1-бет, барлығы 4 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Адал дос жаныңды сақтайды, Аяр дос малыңды сақтайды.
  2. Адамға адам керек әрбір жайда.
  3. Адасқанды артындағысы біледі, Жаңылғанды жанындағысы біледі.
  4. Ай көрмесең, туысың жат, Жыл көрмесең, досың жат.
  5. Айрылғысы келген дос аяулыңды сұрайды. Айрылар дос ердің артқы қасын сұрайды.
  6. Айрылмастай досыңа Қайрылмастай сөз айтпа.
  7. Ақылды дос аздырмайды.
  8. Алыста жүрсе кісінескен, Жақында жүрсе тебіскен.
  9. Арқаланылған ақсақ соқырды жолға салады.
  10. Аста тұз тәтті, адамда дос тәтті.
  11. Асың барда досың көп.
  12. Ат жаманы жолда қалдырар, Жолдас жаманы қолда қалдырар.
  13. Ат пен ат ақырлас болса, Меңі жұғады. Ат пен есек ақырлас болса, Зеңі жұғады.
  14. Ат үйірін сағынса, Артқы аяғын қағынар.
  15. Әкесі достың баласы дос.
  16. Әркімнің мінген аты – өзіне тұлпар, Әркімнің сүйген жары – өзіне сұңқар.
  17. Бажа бажаны көрсе, басы қышиды.
  18. Байлықтан артық достық бар, Достықтан артық байлық жоқ.
  19. Байтал мінген, Айғыр мінгенге жолдас бола алмайды.
  20. Бақ оралса басыңа, Дос жиылар қасыңа, – Егініңді ел салысар, Қырманыңды ел алысар, Наныңды ел жабысар, Малыңды ел бағысар, Бақ кеткенде басыңнан – .
  21. Бақыт кетсе басыңнан: Әуелі досың мен құдаң кетер. Бидай еккен жеріңе Мия мен тікен бітер. Бақыт, байлық басыңа қайта оралса: Кеткен достар әр жерден жылмаң етер.
  22. Бала болсаң болғандай бол, Ағайынға қорғандай бол. Досыңа майыспа, Қасыңа қайыспа.
  23. Балалығың ұстаса, нағашыңа бар, Жігіттікті сағынсаң, қайныңа бар.
  24. Балуанның жаманы, Жығылған соң қалтырар, Күзетшінің жаманы Алдырған соң талтаяр.
  25. Бейілі жаман кісіден көшеді, Өз асын өзі жасырып ішеді.
  26. Бөлем, бөлем үшін өлем.
  27. Бөрі алатын жігіт бөрігінен белгілі, Жау алатын жігіт серігінен белгілі.
  28. Білімдар достан бір сақтан, Білімсіз достан мың сақтан.
  29. Бір жаманның ниеті түзелсе, Екі жаманның беті түзеледі.
  30. Бір пайдадан кешкен мың кісімен дос болады.
  31. Бір сапар ер арытпас, Жаман жолдасын жарытпас.
  32. Бір-бірімен көңілдері суыспай, Қатар қонған екі көрші туыстай.
  33. Біреуге ор қазба, өзің түсерсің.
  34. Данышпанға да дос керек, Палуанға да демер күш керек.
  35. Даңқ қуған далама қалады, Мақтан қуған масқара болады.
  36. Дәмді болса достық қымбат, Мәнді болса жастық қымбат.
  37. Дәніккеннен құныққан жаман.
  38. Дерт атаулының ең қатерлісі – дүлейлік.
  39. Дос – ажарың, Жолдас – базарың.
  40. Дос – ажарың, жолдас – базарың. Азаматпен дос бол, қадіріңді біледі.
  41. Дос адамның белгісі қарлығаштай, Қас адамның белгісі қара тастай.
  42. Дос басқа қарайды, дұшпан аяққа қарайды.
  43. Дос басыңа, дұшпан аяғыңа қарайды.
  44. Дос бергеннің түсіне қарама.
  45. Дос бергенінің тісіне қарама. Дос сүйгенінің түсіне қарама.
  46. Дос болмас сыртта жүріп мақтамаса, бірін-бірі жамандықтан сақтамаса. — Әбубәкір
  47. Дос болсаң берік бол, досыңа серік бол.
  48. Дос болу оңай, сақтауы қиын, Жау болу оңай, тоқтауы қиын.
  49. Дос деп сынамай, сырыңды айтпа, Достың да досы бар.
  50. Дос досқа жалынса, достың көңілі алынады.
  51. Дос досқа зиянкер емес, зиянкер болса дос емес.
  52. Дос емес досты сырттан жамандаса, Кісі емес бір қатені жаба алмаса. — Ақмолда
  53. Дос емес достың сөзін бөтен десе, Достықтан бір өкпемен кетем десе. — Серәлі
  54. Дос жылатып айтады, Дұшпан күлдіріп айтады.
  55. Дос көңіліңді суытып айтады, Қас көңіліңді жылытып айтады.
  56. Дос көңіліңді суытып айтады, Қасың ойыңды жылытып айтады.
  57. Дос көргеннен түңілме.
  58. Дос көтерер көңілді, Мал көтерер өлімді.
  59. Дос құшағы – жаз!
  60. Дос сыртыңнан мақтар, Дұшпан көзіңе мақтар.
  61. Дос та дос, дұшпан да дос мал барында.
  62. Дос табылса, ас табылады, Ас табылса, дос табылмайды.
  63. Дос таппаған ер азар, Басшы таппаған ел тозар.
  64. Дос таппай көңіл тыным таппас.
  65. Дос тұтқанды қадірле.
  66. Дос іздедім, қармандым, Тауып едім алдандым.
  67. «Дос» деп сынамай сыр айтпа, достың да досы бар.
  68. Досқа – жаз, жауға – аяз.
  69. Досқа ат берме, ат берсең «жай жүр» деме.
  70. Досқа ауырлығыңды салма, Достан қарыз алма.
  71. Досқа дос жалынар, Жалынар да, көңіл арылар.
  72. Досқа келсең босқа келме.
  73. Доспен дос болғанша шаттан, Дұшпанмен дос болғаннан сақтан.
  74. Доссыз адам тамырсыз терек.
  75. Доссыз өмір – шоғы жоқ көмір.
  76. Достыққа адалдық – рухқа адалдық.
  77. Достыққа достық – қарыз іс, Дұшпаныңа әділ бол.
  78. Достыққа достық – парыз іс.
  79. Достың көзінде болғанша көңілінде бол.
  80. Достың орны – төр, Дұшпанның орны – көр.
  81. Достың санына қарама, жанына қара.
  82. Достың табанына кірген тікен, Менің маңдайыма кірсін.
  83. Достың ұлы – өз ұлың.
  84. Досы жақсының өзі жақсы.
  85. Досы жоқ адам – тұзы жоқ тағам.
  86. Досы көппен сыйлас, Досы азбен сырлас.
  87. Досым дос, есебім дұрыс.
  88. Досым, досым дейсің, Нанымды алдап жейсің. Арпа, бидай піскенде, Досым құрысын дейсің.
  89. Досың ауырса ыңқылда.
  90. Досың мың болса аз, Дұшпаның біреу болса да көп.
  91. Досың ұрса, аңқылда, Дұшпаның ұрса, күйін.
  92. Досыңа әзілді асырып айтсаң да, Басынып айтпа.
  93. Досыңа балдай тәтті бол, Дұшпанға тастай қатты бол.
  94. Досыңа өтірік айтпа, Дұшпаныңа шыныңды айтпа.
  95. Досыңа шапан кигізсең, Ішік кигізді дейді. Қасыңа ішік кигізсең, Шапан кигізді дейді.
  96. Досыңды жамандама, доссыз қаласың.
  97. Досыңды мақтағаның – Өзіңді жақтағаның.
  98. Досыңды мақтағаның – өзіңді мақтағаның.
  99. Досыңмен айрылысқың келсе, Атыңның майын бер.
  100. Досыңмен дос болғанға шаттан, Досыңмен дұшпан болғаннан сақтан.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ