Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Ақылды мен ақымақ туралы мақал-мәтелдер

«Ақылды мен ақымақ» тақырыбындағы 1053 қазақ мақал-мәтелі әліпби ретімен берілген (3-бет, барлығы 11 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Бектің ұлы шабырдан жығылса, тұлпарға мінгізеді.
  2. Бекіре балық тұмсығы тасқа тимей қайтпайды.
  3. Бес еннен белгілі.
  4. Бетегесі шоңқайған қояндай.
  5. Беті сұлудың сөзі сырдаң.
  6. Бидайдың басын көтергені – дәні жоқтығы; Жігіттің кеудесін көтергені – ақылы жоқтығы.
  7. Бит қабығынан биялай тоқыған.
  8. Биік ағаштың басын құрт жейді.
  9. Биік таудың басына, Қиялап ұшып қыран да шығады, Жер бауырлап, жылжып, Жылан да шығады.
  10. Бой жетпеген жерге ой жетеді.
  11. Бойыңдай бой табылғанмен, Ойындай ой табылмайды.
  12. Боқшасында боғы жоқ, Қызының атын Маржанбике қойыпты.
  13. Болат біз қап түбінде жатпас.
  14. Болат егеуге келсе де, илеуге келмейді.
  15. Болат қынға тоқтайды, Тентек көпке тоқтайды, Жомарт жоққа тоқтайды.
  16. Болған кісі «болдым» демес, «Болдым» десе, оңғаны емес.
  17. «Болдым» дегеннің, Қара жер түбіріне жетеді. «Жетістім» дегеннің, Кедейлік сіңіріне жетеді.
  18. Болмас адам қырық бесінде жас болар, Болар адам он бесінде бас болар.
  19. Болмасаң да ұқсап бақ.
  20. Боранды күні боқ құтырады, Бала мен ит құтырады.
  21. Борсықты ұр тұмсықтан, Тез өледі шымшықтан.
  22. Бос сөз тындағанша, Енем баласының қойнына барып жатпаймын ба?!
  23. «Бояушы, бояушы» дегенге сақалын бояйды.
  24. Бөрі баласын асырағанмен ит болмас.
  25. Бөрік тастап бөріден құтыла алмассың.
  26. Буаз бие сүзеген сиырды мүйізінен таниды.
  27. Бура құтырса, тайлақпен ойнайды.
  28. Бурадан пішкен азбанға, Буыршын басып шөге алмас.
  29. Буынсыз жерге пышақ ұрма.
  30. Буыршынды бура бұзар, Пәйкелді бұғы бұзар.
  31. Бұғаудан шошынған асау, Қамытқа басын сұқпайды.
  32. Бұзаудың жүгіргені сабанханаға дейін.
  33. Бұл не қылған батпан құйрық, Тегіннен-тегін жатқан құйрық?
  34. Бұлбұл болып қырылдағанша, Шымшық болып шырылда.
  35. Бұлт шығып, жаңбыр жаумай елді алдайды, Әйелдің айлакері ерді алдайды.
  36. Бұралқы ит үріп жағады.
  37. Бұрын шыққан құлақтан Кейін шыққан мүйіз артық.
  38. Бүк түссе де менікі, Шік түссе де менікі.
  39. Былшығын аламын деп, Қылшығын алған.
  40. Біз де кісі болармыз, Атқа кісен салармыз.
  41. Білген кісі ұрыны пақыр дейді, Білмеген кісі ұрыны батыр дейді.
  42. Білгеннің жауы – білмеген.
  43. Білем деген – көп сөз, Білмеймін деген – бір сөз.
  44. Білмеген у ішер.
  45. Білімдіге ақыл айтқаның – бүлдіргенің.
  46. Бір атары бар.
  47. Бір есек қырық түйені жетелеп, жолдан шығарып әкетеді.
  48. Бір жаман мың қолды ірітер, Бір құмалақ бір қарын майды шірітер.
  49. Бір жерде білгір, бір жерде міңгір.
  50. Бір ит көріп үреді, Бір ит еріп үреді.
  51. Бір қап жел едік, «Пыс» еттік те, басылдық.
  52. Бір оқты құлан көтереді, Екі оқты ұлан көтереді.
  53. Бір сүрінген қырық сүрінеді.
  54. Бір тауда бір киік.
  55. Бір тентек, бір ақылды таласса, Атысқан жаудай болар. Екі тентек таласса, Сап-саудай болар.
  56. Бір тойда екі жар жоқ.
  57. Бір ұрты май, Бір ұрты қан.
  58. Біреу білмегенді біреу біледі, Біреу жылайтынға біреу күледі.
  59. Біреу көріп күледі, Біреу еріп күледі.
  60. Біреуге бата, біреуге қате тиеді.
  61. Біреуге беріп жағасың, Біреуге еріп жағасың.
  62. Біреудің бойы аласа, Біреудің ойы аласа.
  63. Біреудің жоғын біреу, Өлең айтып жүріп іздейді.
  64. Біреудің түйедейін көрмеген, Түймедейді не қылсын?
  65. Гауһардың қадірін соқыр қор қылады.
  66. Дабысына табысы сай.
  67. Дананың ойы ортақ.
  68. Данышпаннан дәмелен.
  69. Дауды да, жауды да ақыл жеңеді.
  70. Даукес түсінде дау көреді.
  71. Дауың жоқ болса, кепіл бол.
  72. Дәме көп те, дәрмен жоқ.
  73. Дәмі жоқ қауынның түйнегі көп.
  74. Диуананың ойында да бір нәрсе бар.
  75. Доғалбас, от басында жоғалмас.
  76. Досым көп деп мақтанба, Малым көп деп мақтанба, Білгішсініп сұқтанба, Бәріңнен де зор бар.
  77. Досыңнан түйе сұра, Қорыққанынан бие береді.
  78. Досыңның пышағымен мүйіз кес, Дұшпанның пышағымен киіз кес.
  79. Дүние ақылдыға жарық, Ақылсызға тамұқ.
  80. Дүние ақылдыға жарық, Ақымаққа тамұқ.
  81. Ділгір, ділгірдің бәрі білгір.
  82. Егіле сүйген елжіретер, Ақыры бір күн еңіретер.
  83. Ез, езден без.
  84. Езбе мырыңдап жеңеді.
  85. Екі аяқты адам түгіл, Төрт аяқты мал да ақсайды.
  86. Екі басын ұстап, ортасын тістеп жүреді.
  87. Екі есерге бір есті.
  88. Екі желеу, бір сылтау.
  89. Екі жеп, биге шыққан.
  90. Екі жүзді пышақтан сақтанба, Екі жүзді адамнан сақтан.
  91. Екі иінін жұлып жеген.
  92. Екі қошқардың басы бір қазанға сыймайды.
  93. Екі мүйізі көк тіреген.
  94. Екі мылжың кездессе, әңгіме ұзарады, Екі тентек кездессе, шеке қызарады.
  95. Екі ойбайдың бір тобасы бар.
  96. Екі сөйлеу – өлімнің қара басы.
  97. Екі суайт бірін-бірі иландыра алмайды.
  98. Екі тау қосылады дегенге нан, Бұрынғы бұзық түзеледі дегенге нанба.
  99. Екі тышқан бір байдың жұртына таласыпты.
  100. Екінің бірі – егіздің сыңары.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ