Қазақтың тыйым сөздері

Қазақтың тыйым сөздері — әдеп, үлкенді құрметтеу, тазалық пен ысырапсыздыққа үйрететін халық тәрбиесінің мұрасы. Түсіндірмесімен. Барлығы: 745. 1-бет, барлығы 8 бет.

1. Ағын суды бұруға болмайды.
2. Адал малдың енін, өтін, көз қарашығын, безін, жатырын жеуге болмайды.
3. Адам өлімі туралы хабарлап (естіртіп емес) жүрген хабаршы табалдырықтан айтып қана кетеді, үйге кіруіне, тамақ ішуіне болмайды.
4. Адамға қарай керілме.
5. Адамға қарай тоңқайма.
6. Адамға қарай түкірме.
7. Адамға қарап қолыңды шошайтпа.
8. Адамға қарсы үй сыпырма.
9. Адамға пышақ, мылтық оқтанба (кезенбе).
10. Адамға, тамаққа қарай түшкірме.
11. Адамды даттама, балағаттама, айналып жүрме.
12. Адамды санама.
13. Айыр, күрек, сыпырғыш, шот, кетпен, сияқты мүліктің басын жоғары қаратып қойма.
14. Ақ төгілген жерді баспа.
15. Аққуды атпа.
16. Ақты төкпе.
17. Ақтың жуындысын ағынды суға төкпе.
18. Ала жіп аттама.
19. Алаң-жұлаң етіп жүрме.
20. Ант ішпе, әбес сөйлеме.
21. Аңды ысқырмай атпа.
22. Ас қайырмай, дастарханнан тұрма.
23. Ас ішкен ыдысты төңкеріп қоюға болмайды.
24. Ас ішкенде қомағайлықтан сақтан.
25. Асқа немесе тойға қымыз құйып әкелген сабаны мүлде сарықпа.
26. Асығып тамақ ішпе.
27. Асық мүжіме.
28. Ат құйрығын кеспе.
29. Ата-енеңнің, қайын ағаңнан бұрын жатпа.
30. Ата-енеңнің, қайын ағаңның атын атама.
31. Ата-енеңнің, қайын ағаңның жатқан жеріне жатпа.
32. Ата-енеңнің, қайын ағаңның төсегіне отырма, төсегін басып өтпе.
33. Атқа мініп келе жатқан еркектің жолын әйел кесіп өтуіне болмайды.
34. Аттандама.
35. Ауған елге тиіспе.
36. Аузыңа ерік берме.
37. Аузыңда нан барда жаман сөз айтпа.
38. Аузыңды керме.
39. Ауруға күлме.
40. Ауылға, үйге қарай шауып келме.
41. Ауылдан аттанарда шаба жөнелме.
42. Аһлама.
43. Ашыққанға қазан астырма, тоңғанға от жақтырма.
44. Аяғы ауыр әйелге керілген арқаннан аттауға болмайды.
45. Аяғыңды айқастырып жатпа.
46. Аяғыңды басыңнан жоғары қойып жатпа.
47. Аяғыңды көтерме.
48. Аяғыңды тұсама.
49. Аяғыңның басына қарап жүрме.
50. Аяқ киімді төрге қойма.
51. Аяқ киіміңді сол аяқтан бастап киме.
52. Аяқ-қолыңды жіппен байлама.
53. Әдепсіз болма.
54. Әйелге жолаушының алдын кесіп өтуіне рұқсат етілмейді.
55. Әйелдің бүйірін таянып тұруына болмайды.
56. Әйелдің түнде суға баруына болмайды.
57. Әкесі тірі қазақтың бас жеуіне болмайды.
58. Байғызды ұстап алуға болмайды.
59. Байлығыңмен мақтанба.
60. Бақ келді деп таспа, жау келді деп саспа.
61. Баланы оқтаумен ұруға болмайды.
62. Баланы шошытпа.
63. Баласы өлген әйел көп жылауға болмайды.
64. Бар болсаң, бергеніңді айтпа, ер болсаң, жеңгеніңді айтпа.
65. Бас киімді айналдырып киме.
66. Бас киімді баспа.
67. Бас киімді босағаға ілме, теріс қаратып киме.
68. Бас киімді теріс киме.
69. Бас киіммен ойнама.
70. Басқаны қор санама.
71. Басың ауырса, тіліңді тый, көзің ауырса, қолыңды тый, ішің ауырса, аузыңды тый.
72. Басыңа қара не қызыл байлам тартпа.
73. Басыңды босағаға беріп ұйықтама.
74. Басыңды салбыратып отырма.
75. Басыңды шайқама.
76. Бәлеқормен бастас болма.
77. Бейуақытта бейғам болма.
78. Бейуақытта жылама.
79. Бейуақытта кісіден көңіл сұрама.
80. Бейуақытта ұйықтама.
81. Белді таянба.
82. Беліңді босқа бума.
83. Бесікті ашық қалдырма.
84. Бесікті аяқ асты етпе.
85. Бесікті көрінгенге берме.
86. Бесікті кір қолмен көтерме.
87. Бесікті сатпа.
88. Бесікті теппе.
89. Беталды жылама.
90. Беталды күлме.
91. Бет-аузыңды қисаңдатып отырма.
92. Беттеп келе жатқан көп малды бойлай бөліп өтпе.
93. Бетті баспа, қолды тарақтама.
94. Беті-қолыңды жуынбай тұрып, малды өріске шығарма.
95. Бетіңді басып жылама.
96. Босағаға сүйенбе.
97. Босағаны керме.
98. Бөтен жерге баса көктеп кірме.
99. Бөтен үйге рұқсатсыз кірме.
100. Бөтен үйге сәлем беріп кірме.