Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Байлық туралы мақал-мәтелдер

«Байлық» тақырыбындағы 235 қазақ мақал-мәтелі әліпби ретімен берілген (1-бет, барлығы 3 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Ағайының бай болса – шайнағаның май болар.
  2. Адам мен адам Тоқшылықта бір кездеседі, Жоқшылықта бір кездеседі.
  3. Адамды мүлік бұзады.
  4. Адамды тарлық Шынықтырады. Адамгершілікті барлық Ұмыттырады.
  5. Адамның байыған сайын жетпегені молаймақ, Керегі таусылмас.
  6. Ай бетінде де дақ бар.
  7. Аймен келер тоқтықтан, Айман кетер жоқтықтан.
  8. Ақшаға арыстан сүті де табылар.
  9. Ақшаны жерден тапсаң да, санап ал.
  10. Ақы – арсыз, бай – қырсыз.
  11. Ақыл ауыс, ырыс жұғыс.
  12. Ақыл ауысады, Ырыс жұғысады.
  13. Ақыл байлық – аз байлық, Темір байлық – тозбас байлық, Кен байлық – кең байлық.
  14. Ақыл байлық – азбас байлық.
  15. Ақыл байлық – тозбас байлық.
  16. Ақыл бітпес дәулетке, Дәулет бітпес келбетке.
  17. Ақыл-қайла болмайды тек жарлыда.
  18. Ақылдан артық байлық жоқ.
  19. Ақырғы бай түбі аштан өледі.
  20. Ақырын жүрсең, бай тергейді, Ағызып жүрсең, ат терлейді.
  21. Алтын тыққан адам аштан өлер.
  22. Арам, арам түбі – реніш, Адал, адал түбі – кеніш.
  23. Араммен тапқан тілләдан, Адалдан тапқан тиын артық.
  24. Артық байлық аздырар, артық күлкі тоздырар.
  25. Артық дәулет басқа бейнет.
  26. Аспаннан кигіз жауғанда, Сорлыға ұлтарақ та тимепті.
  27. Асып-тасқан байлықты Құдай да қостамайды.
  28. Ата байлығыңды айтпа, Қазіргі байлығыңды айт.
  29. Аты бардың тынысы бар, Асы бардың ырысы бар.
  30. Аузы қисық болса да, байдың баласы сөйлесін.
  31. Ауызы қисық болса да Байдың ұлы сөйлесін.
  32. Ауыр жолды нар жеңеді, Ауыр істі бар жеңеді.
  33. «Ахахумен» жиған мал «охохумен» кетеді.
  34. Ашаршылықта Ашқарақ алдымен өледі.
  35. Ашаршылықта бай баласы бірінші өледі.
  36. Әкімің әділ болмаса Жұрт бұзылады; Саудаң әділ болмаса Нарық бұзылады.
  37. Әркім өз несібесін теріп жейді.
  38. Әулияға барайын демес, Әулияның әулиялығы тартар. Байға барайын демес, Байдың байлығы тартар.
  39. Базар – бай, алушы – кедей.
  40. Базар – бай, Базаршы – кедей.
  41. Базар бар да малың сат, Базар білмес, бақ білер.
  42. Базарға әркім барар, Өзінің керегін алар.
  43. Базарда бәрі бар, Ақшаң болса, әрі бар.
  44. Базарда мың кісі бар, Әркім сүйгеніне сәлем берер.
  45. Бай – балпаң келер, Жарлы – жалаң келер.
  46. Бай – балпаң, кедей – жалпаң.
  47. Бай аз, кедей көп.
  48. Бай атқа мінсе құтты болсын дейді, Кедей атқа мінсе қайдан алдың дейді.
  49. Бай байға жетем дейді, Бай Құдайға жетем дейді.
  50. Бай барын бермес, Жоқ қарап тұрмас.
  51. Бай бастас, Бақыр мұңдас.
  52. Бай болған кісі бақырып бола ма.
  53. Бай болмақ, жарлы болмақ жалғыз Хақтан.
  54. Бай болсаң, балпаң бол, Жарлы болсаң, қалтаң бол.
  55. Бай болсаң, жарлылығыңды айтпа. Жарлы болсаң, байлығыңды айтпа.
  56. Бай болып көргеніміз жоқ, Кедей болып өлгеніміз жоқ.
  57. Бай кісі балпаң келер, Жарлы кісі жалтаң келер.
  58. Бай кісі балпаң, Жарлы кісі жалтаң.
  59. Бай қараса, бақ қарайды.
  60. Бай қасына барып қон, Байымасаң, маған кел. Жоқ қасына барып қон, Жоғалмасаң, маған кел.
  61. Бай мақтанса табылар, Кедей мақтанса шабылар.
  62. Бай тойғаннан секіреді, Кедей аштықтан секіреді.
  63. Бай тойғанынан кекіреді, Кедей аштықтан секіреді.
  64. Бай тойып секіреді, Кедей тоңып секіреді.
  65. Бай тоқтығынан кекіреді, Кедей аштығынан секіреді.
  66. Байға жағынамын деп жарлының тоқтылы қойы шығыпты.
  67. Байға жалынамын деп, Жарлының тоқтылы қой зықысы шығыпты.
  68. Байдан жұғар, балдан тамар.
  69. Байдан күткенше, Құдайдан күт.
  70. Байдан пайда артылмас, Қудан айла артылмас.
  71. Байдан табылар, Балдан тамар.
  72. Байдың асын байғұс қызғанады.
  73. Байдың байлығы, кедейдің шайлығы.
  74. Байдың бұзауы да қобыз ойнайды.
  75. Байдың жанына барсаң, Байымасаң, маған кел. Қудың жанына барсаң, Құрымасаң, маған кел.
  76. Байдың қатыны өлсе, төсегі жаңғырар, Кедейдің қатыны өлсе, басы қаңғырар.
  77. Байдың қорасынан Жарлының жалғызы жоғалыпты.
  78. Байларда ақымақ көп болар, Байлығымен білінбес.
  79. Байларменен алысып болмас, Терекпенен күресіп болмас.
  80. Байлық – ұрылықтың жемісі.
  81. Байлық мұрат емес, Жарлылық ұят емес.
  82. Байлық мұрат емес, Жоқтық ұят емес.
  83. Байлық мұрат емес, Кедейлік ұят емес.
  84. Байлық не дегізбес, Жоқтық не жегізбес.
  85. Байлыққа берілмеген адам – Кедейлікке тебіренбейді.
  86. Байменен алысып болмас, Терекпенен күресіп болмас.
  87. Байменен бастас қыл, Еншісіменен қоңсылас қыл.
  88. «Баймын» деп мақтанба, жарлылық бар, «Көппін» деп мақтанба, жалғыздық бар.
  89. Бар аз білгеннен де өтер, Білмегеннен де өтер.
  90. Бар байлықты жинауға тырысқан адам бақытсыз.
  91. Бар болсаң – аспа, Жоқ болсаң – саспа.
  92. Бар қасына барғанда Байымасаң, маған кел.
  93. Бар мақтанса, табылар, Жарлы мақтанса, шабылар.
  94. Бардан ауысады, Балдан жұғысады.
  95. Бардан жұғады, Балдан тамады.
  96. Бардан тиер, Балдан тамар.
  97. Барды балама, Жоқты санама.
  98. Бардың ісі пәрменмен өтер, Жоқтың ісі арманмен өтер.
  99. Барлардікі жорға-жорға, Жоқтардікі зорға-зорға.
  100. Барлық әр не дегізер, Жоқтық арам жегізер.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ