Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Жан-жануарлар туралы мақал-мәтелдер

«Жан-жануарлар» тақырыбындағы 539 қазақ мақал-мәтелі әліпби ретімен берілген (5-бет, барлығы 6 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Сасық суда жайын бар, Олжа малда қайыр жоқ.
  2. Сатарманның жаман малы жоқ.
  3. Саулығың шелді болса, Тұсағың төлді болар.
  4. Сауын саусаң, бие сау, Боз қырау түспей суалмас. Түйткіл тартсаң, түйе сау, Ауру, бәле, жын алмас.
  5. Сауып отырған малы бар Тоқтық көрмесе де, Жоқтық көрмейді.
  6. Сәуір болмай жауын болмас, Жауын болмай тәуір болмас.
  7. Сәуір болмай, тәуір болмас, Ит балалап сауын болмас.
  8. Семіз қой қыстан майын жеп шығады, Арық қой жанын жеп шығады.
  9. Семіздікті қой көтерер.
  10. Серінің аты да сері.
  11. Сиыр бақтым – сидаң қақтым, Ешкі бақтым – еңіреп бақтым. Қой бақтым – қоңыраулаттым.
  12. Сиыр мүйізді өгізде күш жоқ, Өгіз мүйізді сиырда сүт жоқ.
  13. Сиыр сары болмас, Түйе торы болмас.
  14. Сиыр су ішсе, Бұзау мұз жалайды.
  15. Сиыр сүйкенбей жүрмес.
  16. Сиырда аунамақ жоқ, Жылқыда күйсемек жоқ, Тамда белдеу жоқ, Таста тамыр жоқ, Суда қаймақ жоқ.
  17. Сиырда аунамақ жоқ, Жылқыда күйсемек жоқ.
  18. Сиырды жақсы көрсеткен Артындағы танасы, Әйелді жақсы көрсеткен Қасындағы баласы.
  19. Сиырды теппейді, Сүтті төкпейді.
  20. Сиырдың пірі – Зеңгі баба.
  21. Сиырлы кісі – сыйлы кісі, Түйелі кісі – күйлі кісі.
  22. Су сүреңін табады.
  23. Суды өзі кешіп ішпей, Мал қоңданбайды. Шөпті өзі орып жемей, Мал жонданбайды.
  24. Сұлу аттың көркі – жал, Адамзаттың көркі – мал.
  25. Сұлу аттың көркі – жал.
  26. Сүтсіз сиыр – сүзеген.
  27. Сырын білмес адамға Сырыңды айтпа. Сырын білмес атанға Жүгіңді артпа.
  28. Табаны тозбас Тұлпар жоқ, Қанаты талмас сұңқар жоқ.
  29. Тай атқа жеткізеді, Ат пыраққа жеткізеді, Пырақ мұратқа жеткізеді.
  30. Тай тайға жеткізер, Тай құнанға жеткізер, Құнан атқа жеткізер, Ат мұратқа жеткізер.
  31. Тайға мінген, Тайқарға мінгенге күлмейді.
  32. Тайлы ауылда тоймаған, Қойлы ауылда тояды.
  33. Тайлы бие тайлақты түйедей.
  34. Тартыншақ болса түйең жаман, Итіншек болса биең жаман.
  35. Тау мен тасты сел бұзар, Адам затты сөз бұзар.
  36. Таудағы ешкі ыңғай берсе, Етектегі теке дедектеп жетеді.
  37. Таудағы киік Таста ойнақтаса, Төменде тұрған текенің Тұяғы қышиды.
  38. Тауықтың түсіне тары кіреді.
  39. Тәңір асыраған тоқтысын Қасқыр жемейді.
  40. Тебеген болса биең жау, Сүйкеншек болса түйең жау.
  41. Тебегеннің таңын сүзеген айырады.
  42. Тегін келген аттың Тісіне қарама.
  43. Тентек тойды бұзар, Шартық қойды бұзар.
  44. Тентектің есі-дерті – бұзу, Текенің есі-дерті – сүзу.
  45. Тобан аяқ торыны, Тойға мінбе, қойға мін. Құлан аяқ құланы Қойға мінбе, тойға мін.
  46. Тоғыз қабат торқадан, Тоқтышағымның терісі артық.
  47. Тоғыз қойдың терісі Тон шықпаған Толағай. Жеті қойдың терісі Жең шықпаған Толағай.
  48. Тозбас тон, Арымас ат болмас.
  49. Той өтті – Қой бітті.
  50. Тойған қозыдай, Ұйыған сүттей.
  51. Тойсаң, Тоқтының еті топырақ татиды.
  52. Тоқал ешкі мүйіз сұраймын деп Құлағынан айрылыпты.
  53. Тоқты тоймас, Шөміш кеппес.
  54. Толмасқа құйма, тоймасқа берме.
  55. Тоты құс бойына қарап зорланады, аяғына қарап қорланады.
  56. Төл төлден өседі.
  57. Төлден мал өседі. Шыбықтан тал өседі.
  58. Төрт түліктің төресі – түйе.
  59. Төрт түліктің төресін Түйе дейді.
  60. Тумаған тайыншаның Піспеген уызына қарама.
  61. Тұздық ішкен теке көзденіп.
  62. Тұлпар – құлыннан, Батыр – баладан.
  63. Тұлпардың қадірін Желгенде білерсің, Жақсының қадірін Өлгенде білерсің.
  64. Тұлпардың оттауы бір болса да, жусауы басқа.
  65. Тұмса тұсақ қызғаншақ, Тұмса бие құлынсақ.
  66. Түз тағысы – Табиғатпен тілдес.
  67. Түйе – байлық, Қой – мырзалық, Жылқы – сәндік.
  68. Түйе – батыр, Шөл даладан өткенде. Жігіт – батыр, Еліне жау жеткенде.
  69. Түйе – дала кемесі.
  70. Түйе – көштің көлігі, қойдың серігі.
  71. Түйе – көштің көркі, Жылқы – жетекші, Қой – береке.
  72. Түйе – түлік басы.
  73. Түйе – түлік төресі.
  74. Түйе алтын артып жүрсе де, Жантақ жеуін қоймайды.
  75. Түйе атасы – нар, Ағаш атасы – шынар.
  76. Түйе аунаған жерде Жүк қалады. Ат аунаған жерде Түк қалады.
  77. Түйе ботасымен жарасты, Тамақ батасымен жарасты.
  78. Түйе деген жануар, Түзде жүрсе семірер. Тіздеп қойса аяғын, Тұзға қарай емінер.
  79. Түйе жайылса, шөлге қарай шығады, Жатарда сорға қарай.
  80. Түйе жантақ жегісі келсе, Мойнын созады.
  81. Түйе жисаң, нардан жи, Жүк қалдырмас жолында. Сиыр жисаң, тарлан жи, Сүт пен қаймақ қолыңда.
  82. Түйе көп болса Жүк сыймас.
  83. Түйе күндіз жайылады, Түнде күйіс қайырады.
  84. Түйе қартайғанда көшегіне ереді.
  85. Түйе қоң алмай – оңалмайды.
  86. Түйе мінгеннің төбесі биік.
  87. Түйе мініп қойға барма, Жөндеп баға алмайсың. Бие мініп тойға барма, Көкпарға шаба алмайсың.
  88. Түйе сүті түгел май, Қымыранын кертіп іш! Бие сүті «пай-пай!» Сары қымызын шертіп іш!
  89. Түйе тайғақ келеді, Табанынан мөр кетсе. Кәрі тайғақ келеді, Екі көзден нұр кетсе.
  90. Түйе тулап, жүктен құтылмайды.
  91. Түйе тұзға келеді, Күйеу қызға келеді.
  92. Түйе ұрлаған да, Түйме ұрлаған да – ұры.
  93. Түйе үлкен болса да, өз жолына шөгеді.
  94. Түйеге – дақ, жылқыға – пышақ.
  95. Түйеде – жампоз, Жылқыда – тұлпар, Сиырда – тынжы, Қойда құтпан асыл.
  96. Түйеден жығылсаң, Түйе шудасын төсейді. Аттан жығылсаң, Ат жалын төсейді. Есектен жығылсаң, Есек тұяғын төсейді.
  97. Түйелі бай – киелі бай, Қойлы бай – қорлы бай. Жылқылы бай – сылдыр бай, Сиырлы бай – сылбыр бай, Ешкілі бай – есепті бай.
  98. Түйенің жантақ жемесе, Тілі қышиды.
  99. Түйенің жолы үлкен, Аттың жөні үлкен.
  100. Түйенің не де болса түйе аты бар, Сондықтан ботаның да ұяты бар.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ