Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Су туралы мақал-мәтелдер

«Су» тақырыбындағы 460 қазақ мақал-мәтелі әліпби ретімен берілген (3-бет, барлығы 5 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Жер – қазына, су – гауһар.
  2. Жер байдікі, су сайдікі.
  3. Жер жастанып, су сүйеніп жүрген.
  4. Жер қазына, Су – алтын, Мал – байлық.
  5. Жер сатып алмай тұрып суын сұра, Үй сатып алмай тұрып көршісін сұра.
  6. Жерді тамшы, ерді қамшы ширатады.
  7. Жердің бақыты тайса, Су сайға құлайды.
  8. Жеті күн жауған жаңбырдан желіп өткен су артық. — Қыпшақ Сейітқұл
  9. Жылай-жылай арық қазған, Күле-күле су ішер.
  10. Жылға суы таусылса, тау тесіледі.
  11. Жігіт – жерінде, жекен – көлінде.
  12. Иттің боғы дәрі болса, дарияға тышады.
  13. Иірімі жоқ судан иірілген балық не табады?
  14. Кәрілікте ой – у, өмір – су, үміт – бу.
  15. Кеме келсе, қайық судан шығады.
  16. Кемеші келсе, қайықшы судан шығар.
  17. Кетпенім сай, шотым сай, Қазсам суға жетемін. Атаным сай, атым сай, Көшсем нуға жетемін.
  18. Көз – бұлақ, көңіл – сынап. Күнім – базар, түнім – түс.
  19. Көз жұмбай дария кешпек жоқ.
  20. Көзіңді қалдыр – бұлақ көзін аша жүр, Ізіңді қалдыр – жақсылық мұра шаша жүр, Өзіңді қалдыр – бау өсіріп, жаса нұр.
  21. Көкті бу көтереді, Жерді су көтереді, Жүйрікті ау көтереді. Жүкті нар көтереді, Өлімді бар көтереді.
  22. Көктің суын көптен аяма.
  23. Көл азса, сазаны кетіп, табаны қалады. Ел азса, жақсысы кетіп, жаманы қалады.
  24. Көл байлығынан көңіл байлығы қымбат.
  25. Көл жағалаған өлмес.
  26. Көл көлге құяды, Сел селге құяды – шұқанаққа дым да жоқ.
  27. Көл тартылса құс қашар.
  28. Көлдің аққуы кетіп, қазы қалды, Өмірдің көбі кетіп, азы қалды.
  29. Көлдің көркі – құрақ, Таудың көркі – бұлақ.
  30. Көлдің құты кетсе, Көкқұтан бір жыл бұрын кетеді.
  31. Көлмін деп мақтанасың, Суыңда бір балық жоқ.
  32. «Көлмін» деп көпіресің ішінде бір балығың жоқ.
  33. Көңіл – бірде көл, бірде шөл.
  34. Көңіл – дария, көз – найза.
  35. Көңілден көңіл су ішеді.
  36. Көңілі су сепкендей.
  37. Көңілім келсе, көлдеймін, Көңілім келмесе, шөлдеймін.
  38. Көп – дәнекер, көлді де бекітер.
  39. Көп ел – сарқылмас көл.
  40. Көп жүрген көгерер, Көл аққан жерге нұр кірер.
  41. Көп көмектескен күрмекпен су ішеді.
  42. Көп тепкен жерден көл шығады.
  43. Көп түкірсе, көл болады, Көп біріксе, ел болады.
  44. Көптің ақылы – көл.
  45. Көптің күші көлдей, Көшіп жүрген желдей.
  46. Көрмеген көлде естімеген құстың үні бар.
  47. Күн шыққан соң, Қуарған суды Күн жұтады, Күн батқан соң, Суарған суды Жер жұтады.
  48. Күріш арқасында күрмек су ішеді.
  49. Күріштің күні сумен.
  50. Кімнің отын оттасаң, соның суын ішерсің.
  51. Кірді сумен жуады, суды немен жуады?
  52. Қаз бен үйректің панасы – көл, Жетім мен жесірдің панасы – ел.
  53. Қаз ұшса, көлді үйрек иеленеді.
  54. Қаз шөлде жүрсе де, көзі көлде болар.
  55. Қазан аузы жоғары, қармақ суда.
  56. Қазғанмен су шықпайды қыр басынан. — Біржан сал
  57. Қайғысыз қара суға семіреді.
  58. Қайғысыз ішкен қара судың қаймағы бір елі.
  59. Қайғысызға қара су да ас.
  60. Қайнаған қара суда қасиет бар.
  61. Қайраңы жоқ көлден без, Қайырымы жоқ ерден без.
  62. Қайықшымен жақын болсаң, Дауыл күні қайығын суға саларсың.
  63. Қайырсыз байдан қайнатқан су артық.
  64. Қалған көлге бақа айғыр.
  65. Қамысты жаққанмен шоғы болмас, Көк суды ішкенмен тоғы болмас.
  66. Қамыстың басы майда, түбі суда.
  67. Қара суға жапалақтап қар жауса қара балық ұрық салады.
  68. Қара суда қаймақ жоқ, Қас шеберде оймақ жоқ.
  69. Қара судан қаймақ алған.
  70. Қара суды теріс ағызған.
  71. Қарны ашқанға қара нан май татыр, Шөлдегенге қара су бал татыр.
  72. Қасықпен көлді құрта алмайсың, Қастықпен елді құрта алмайсың.
  73. Қасықтап алғанмен көл таусылмас, Ұры қанша алғанмен ел таусылмас.
  74. Қасыңда қара көп болса, Нөкер емей, немене? Шөлдегенде ішкен су Шекер емей, немене? Ат жалынан тапқан мал, Бекер емей, немене?
  75. Қатты қаңтар болмай, Су-теңіз тоңбайды, Қатын шайпау болмай, Ер жалғыз үй қонбайды.
  76. Қуды қу табады, шұқанақты су табады.
  77. Қудың аяғына су жұқпас.
  78. Құдық қазсаң көлді қаз, көл суалмай суалмас. — Ақтамберді
  79. Құдықтан су ішкен, Қазғанға рахмет айтады.
  80. Құл құтырса, құдыққа қармақ салады.
  81. Құлан қайда семірсе, сол жерге түгін төгеді, Бұлт қайда төнсе, тамшысын сонда себеді, Ел қайда қоныстанса, күлін сонда үйеді.
  82. Құлан құдыққа құласа, Құлағында құрбақа ойнар.
  83. Құлан қырда, құндыз суда.
  84. Құлындаған байталдан, Құдықтағы су артылмайды.
  85. Құр судан май шықпайды, Құр сөзден мән шықпайды.
  86. Құрттаған қой құдық басында.
  87. Құс қонбаған көл жетім, Ел қонбаған жер жетім.
  88. Құстың қонар жерін су білер, Мал қонысын ну білер.
  89. Қыдырдың қасында болғанша, Бұлақтың басында бол.
  90. Қыздың малы – қардың суы.
  91. Қысқы шілдеде ну сақта, Жазғы шілдеде су сақта.
  92. Мақтаның анасы – жер, Атасы – су.
  93. Молалы жерде көл болар, Көлді жерде ел болар.
  94. Нұр – Ай сұлулығы, Су – сай сұлулығы.
  95. Ойламаған ми сасиды, Ақпаған су сасиды.
  96. Оқу – инемен құдық қазғандай.
  97. Оқыған қара суға қарсы жүзер.
  98. Оң сөз өзен тоқтатар.
  99. От – арық, су – семіз.
  100. От пен су – тілсіз жау.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ