Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Су туралы мақал-мәтелдер

«Су» тақырыбындағы 460 қазақ мақал-мәтелі әліпби ретімен берілген (2-бет, барлығы 5 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Балалар ойнап жүріп су төгеді, Қарттар тайып жамбасын сындырады.
  2. Балығы болмаған көл құрысын, Киігі болмаған шөл құрысын.
  3. Балығы болмаған көлі құрысын, Киігі болмаған шөлі құрысын.
  4. Балығы жоқ көл қысыр, Басы жоқ гүл қысыр.
  5. Балық – көлге, бақа – шөлге.
  6. Балық аулай алмаған суды лайлайды.
  7. Балық аулай алмаған суды лайлар.
  8. Балық басынан шіриді, Су басынан бұзылады.
  9. Балық жеген «су, су» дейді, Көлік айдаған «шүу, шүу» дейді.
  10. Балық жеген «су, су» дер, Қос айдаған «шу, шу» дер.
  11. Балық суында, Бақа сазында.
  12. Балықта сүт болмайды, Шабағын теңіз асырайды.
  13. Балықта сүт жоқ, Баласын су асырайды.
  14. Балықтың жаны суда.
  15. Балықтың өзі суда, көзі қырда.
  16. Балықтың өзі суда, көзі сыртта.
  17. Балықшы суда жүрсе де, сусап жүреді.
  18. Балықшының аты суға жарымайды.
  19. Бармақтай баққара суды теріс ағызған ақылдан артық.
  20. Бассыз жерге жалшы айғыр, Балықсыз көлге бақа айғыр.
  21. Бастау солса да, бәйтерек солмайды.
  22. Басында бұлағы бар өзен ұзақ ағады.
  23. Бата – бастан, су – аяқтан.
  24. Батпағы бар көлдерден Су ішетін сай артық. Қамшылатқан шабаннан Өзі жүрер тай артық.
  25. Батыр – елдің сәулеті, Балқұрақ – көлдің сәулеті.
  26. Батыр – өктем, балуан – алып, Әйел – дария, ер – балық.
  27. Бедеу деген биеңнің төл салмасын білдің бе, Бетегесіз тақырға көл толмасын білдің бе.
  28. Бектің бұлағынан су ішпе.
  29. Бетінен су ішпейсің.
  30. Бетің былғанса, су тазалайды, Арың былғанса, кім тазалайды?
  31. Бос құдық тамшымен толмас.
  32. Боталаған түйеден, Бұлақ суы артылмас; Құлындаған биеден, Құдық суы артылмас.
  33. Буынсыз жерге пышақ ұрып, Суатсыз жерден суға түспе.
  34. Буыршын мұзға таймас.
  35. Бұқа буға семіреді, Қайғысыз суға семіреді.
  36. Бұлағы болмаса, өзен де сарқылар.
  37. Бұлақ басынан тұнады.
  38. Бұлақ көрсең, көзін аш.
  39. Бұлақ суын теңізге сүйрейді.
  40. Бұлаққа бұлақ қосылса, егізбіз дер, Көлге көл қосылса, теңізбіз дер.
  41. Бұлт бірігіп жерге жаңбыр құяды, Көп бірігіп көлді шөлге құяды.
  42. Бұлт өзеннен бу алса жауады.
  43. Бұлт өзеннен су алса ғана жауады.
  44. Бұршақта қалған жаңбырдан қорықпас.
  45. Бүрге тұту үшін де бармағыңды сулайсың.
  46. Былай барсам – Қорқыттың көрі, Былай барсам – шүршіттің көлі.
  47. Білім – бұлақ.
  48. Білім – дария көл, Надандық – сусыз шөл.
  49. Білім – дария, Ақыл – тоған.
  50. Білім – теңіз, түбі де, шегі де жоқ.
  51. Бір кісі қазған құдықтан мың кісі су ішеді.
  52. Бір-бірлеп мың болар, Тама-тама көл болар.
  53. Біреу суға жете алмадым деп «аһ» ұрады, Біреу судан өте алмадым деп «аһ» ұрады.
  54. Біреу шөл болса, Біреу көл болсын.
  55. Ғалым деген – дария, Қыса берсең, таси береді, Надан деген – есек, Қыса берсең, жаси береді.
  56. Ғылым – теңіз, білім – қайық.
  57. Ғылым табу – инемен құдық қазғандай.
  58. Дария арам болмайды ит қанша сигенмен.
  59. Дария жанынан құдық қазба.
  60. Дария толы су болса ит тілімен су ішер.
  61. Дарияға ат салмай тұрып өткелін тап.
  62. Диқан жерін мақтайды, Балықшы көлін мақтайды, Кәсіпкер кенін мақтайды.
  63. Дүние – үлкен көл, Замана – соққан жел.
  64. Дүние деген – сордың суы, Іше берсең, кептіре береді.
  65. Еділ суы бар болса, елге жетер.
  66. Екпесең, жер қысырайды, Күтпесең, көл қысырайды.
  67. Екі бие – ел асы, Үш бие – бұлақ басы, Бір бие – жоқтың қасы.
  68. Екі кеменің құйрығын ұстаған суға кетеді.
  69. Ел ағыны мен су ағыны бір.
  70. Ел ағыны мен су ағыны тең.
  71. Ел жағалай қонбаса, Айдын шалқар көл жетім, Қаптай көшкен елі жоқ, Құлазыған жер жетім.
  72. Ел көркі – мал, өзен көркі – тал.
  73. Ел қадірін білмеген – занталақ, Көл қадірін білмеген – дуадақ.
  74. Ел құты – қария, Жер құты – дария.
  75. Ел от алған жерге су төкпе.
  76. Елдің құты белеңде, Судың құты тереңде.
  77. Елінен безген ер болмас, Көлінен безген қаз болмас.
  78. Ер қолында мал тұрмайды, Елек ішінде су тұрмайды.
  79. Ердің аты көлдей, өзі шөлдей.
  80. Еркек көп болса, отын жоқ, Әйел көп болса, су жоқ.
  81. Еркек көп жер отынға жарымайды, Әйел көп жер суға жарымайды.
  82. Ерінбеген елекпен су ішеді.
  83. Естіге айтқан ақыл сөз, Шыңға тіккен тумен тең, Ессізге айтқан ақыл сөз, Құмға сіңген сумен тең.
  84. Етігіңді шешпей суға түспе.
  85. Жайын айтса, Жайықтан су ауыспайды.
  86. Жақсы қатын жүн қарыз алады, Жаман қатын су қарыз алады.
  87. Жақсы мұраптың соңынан су ереді, Жаман мұраптың соңынан шу ереді.
  88. Жақсыға айтқан тура сөз, Жасақ тіккен тумен тең. Жаманға айтқан тура сөз, Құмға құйған сумен тең.
  89. Жақсылық суға батпас, Бір шығар, тегін жатпас.
  90. Жаман адамға мал бітсе, Кетпестей көреді. Үсті су болса, Кеппестей көреді.
  91. Жаман көлдің суы ащы, Жаман адамның тілі ащы.
  92. Жаман сайға су түссе, Өткел бермес кешуге. Жаман адамға іс түссе, Жаныңды сұрар шешуге.
  93. Жаманға ақыл айтсаң, алдайды дер, Жаман атпен су кешсе, жалдайды дер.
  94. Жанжалдың шоғы қызарса, Ақылдың суын сеп.
  95. Жаңбыр жаумай су болған.
  96. Жаңбыр жауса – жер тоқ, Егін ексе – ел тоқ, Бұлақ ақса – көл тоқ, Еңбек етсе – ер тоқ.
  97. Жатқан тастың астымен су ақпайды.
  98. Жауызға айтқан жылы сөз, Суға жазған сертпен тең.
  99. Жел жеріне, жекен суына.
  100. Жемес жерде ет бар, Ішпес жерде су бар.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ