Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Сандар туралы мақал-мәтелдер

«Сандар» тақырыбындағы 466 қазақ мақал-мәтелі әліпби ретімен берілген (3-бет, барлығы 5 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Бала – жаман қатынның екі қолын байлайды, Жақсы қатынның бір қолын байлайды.
  2. Бала қырық күнде шешесін танып емеді.
  3. Балаға пышақ бермесең, бір жылар, Пышақ берсең, екі жылар.
  4. Балам бол, басқа бол – бәріңе заң біреу-ақ.
  5. Баланың бір көзі жоқ, Малайдың екі көзі жоқ.
  6. Балықтың да сегіз қанаты бар.
  7. Бар болса, сойғаныңның жөні бар, Бір қойда он кісінің құны бар.
  8. Барлық ауру бір жолмен келеді – Қомағайлық арқылы.
  9. Бас екеу болмай, Мал екеу болмас.
  10. Басқыштың төменінен бір-бірлеп басып қана жоғары шығуға болады.
  11. Баста ми жоқ болса, Екі аяққа зор түсер.
  12. Баста ми жоқ болса, Екі аяққа күш келер.
  13. Басында ми жоқ болса, екі аяққа күш келер.
  14. Батыр бір оқтық, бай бір жұттық.
  15. Батыр деген Барақ ит болар, Екі қатынның бірі табатұғын. Би деген ақсары ат болар, Айында біреу табатұғын.
  16. Батыр жайшылықта бір адам, Жауға кірсе, мың адам.
  17. Батыр кісі әр қатыннан туады, Әділ би бір қатыннан туады.
  18. Батыр кісі әр қатыннан туады, Әділ кісі бір қатыннан туады.
  19. Батыр мақтанса, бір оқтық, Бай мақтанса, бір жұттық.
  20. Батырдың басы екеу болмайды.
  21. Батырдың бір ісі тентек, Қорқақтың екі ісі тентек.
  22. Башқұрт басында бар бес құрт, Арқасында бар алты құрт, Желкесінде бар жеті құрт.
  23. Бәленің сенде несі бар, қаша жүрсең, Бәленің сенен басқа несі бар, Бір шетінен баса жүрсең.
  24. Бегің соқыр болса, Бір көзіңді қысып отыр.
  25. Бергенге бес те көп, Алғанға алты да аз.
  26. Бердім бір ай, Келдім сұрай.
  27. Берер Тәңір талап қылсаң, Не табарсың қарап тұрсаң. Мұратқа тез жетерсің, Оқығанды сабақ қылсаң. Күніне бес ойлағанды тамақ қылсаң.
  28. Беретіннен де бір сұра, Бермейтіннен де бір сұра.
  29. Бермегенге бесеу де көп, Алғанға он болса да аз.
  30. Бес бармақтың біреуін тістесең де, Бәрі бірдей ауырады.
  31. Бес бармақтың бірін шапсаң, бәрі аурады.
  32. Бес жұлдыз туса, Бер де құтыл.
  33. Бес күндігін ойламаған әйелден без, Бес жылдығын ойламаған еркектен без.
  34. Бес намазға бес дәрет, Бәракалла таратың. Бес намазға бір тарат. Бәракалла адатың.
  35. Бес саусақ білекке, Білек жүрекке бағынышты.
  36. Бес саусақ бірдей емес.
  37. Бестің басы болғанша, Алтының аяғы бол.
  38. Бесік баласы бес түлейді.
  39. Би екеу болса, дау төртеу болады.
  40. Би екеу болса, дау төртеу.
  41. Биліктен білік бір жасы үлкен.
  42. Боз көйлектің қырық күндік мастығы бар.
  43. Бозторғай бес бала тапса, Біреуі бұлбұл болады. Көк қарға бес бала тапса, Біреуі құзғын болады.
  44. Бойдақ жігітке елу құлаш бөзден де ыстан шықпайды.
  45. Бойдақ қыздың екі күн есі бар да, бір күн есі жоқ.
  46. Бойдақтың ақылы – екі көз.
  47. Болар адам он бесінде бас болар, Болмас адам қырығында жас болар.
  48. Болар адам он бесінде бас болар, Болмас адам қырыққа кірсе де, жас болар.
  49. Ботқа жеймін деген асым ба еді, Тоқсан келемін деген жасым ба еді.
  50. Бөрі қартайса да бір қулық болады.
  51. Бөрі қартайса да, бір қойға күші жетеді.
  52. Бөріден бөлтірік қанша асырасаң да, бір күні қанға бояйды.
  53. Бөрінің қартайса да, Бір қойлық әлі бар.
  54. Бұқаны құтыртқан екі ені.
  55. Бұл дүние уақытша әуре, далбаса, Бір тоймайды айдаһардай жалмаса.
  56. Бұл сексен көрейін деген жасым ба еді, Быламық ішейін деген асым ба еді.
  57. Бұрын жүрген із салар, Көп іздеген бір табар.
  58. Білгенің – бір тоғыз, Білмегенің – мың тоғыз.
  59. Білгенің бір тоғыз, Білмегенің тоқсан тоғыз.
  60. Білегі жуан бірді жығады, Білігі жуан мыңды жығады.
  61. Білегі жуан бірді жығады, Білімі жуан мыңды жығады.
  62. Білегі күшті бірді жығар, Білімі күшті мыңды жығар.
  63. Білегі күшті бірді, Білімі күшті мыңды жығады.
  64. Білегі толық бірді жығар, Білімі толық мыңды жығар.
  65. Білмеген мың бәледен құтылар.
  66. Білмегеніңді бес жасар баладан сұра.
  67. Білікті білім біліп, зерделі ұғар, Жүзеге осы екеуі алып шығар.
  68. Білікті бір де шығар, Білімсіз мың да шығар.
  69. Білімді бір кісі білімсіз мың кісімен тең.
  70. Білімді мың жасайды, Білімсіз құр жасайды.
  71. Білімді мыңды жығады, Білегі жуан бірді жығады.
  72. Білімсіз туған көп ұлдан, Білімді туған қыз артық. Білімсіз көп наданнан, Білімді бір ер жүз артық.
  73. Білімсізден де бір іс өтер, Білімдіден де бір іс өтер. «Білік» деген бір қазық, Барлығы соған оралар.
  74. Бір адам қырық адамға олжа салады.
  75. Бір адам машақатпен мал жияды, Біреу оны олжалап, шалжияды.
  76. Бір адамда екі жүрек болмас, Бір көңілде екі тілек болмас.
  77. Бір адамның бір адамнан парқы бар, Ол айырма білімменен жарқырар.
  78. Бір асқанға, бір тасқанға кез келеді.
  79. Бір асуға – бір тасу.
  80. Бір атым бар орында, Не қамым бар боранда.
  81. Бір ауруға дәрі керек, Бір ауруға сабыр керек.
  82. Бір ауыз киелі сөз Мың кісінің көңілін жадыратады.
  83. Бір ауылда бір үй аш болса, Бар үй аш болады.
  84. Бір ауылдың иті бір ауылға үрмейді.
  85. Бір ауылдың малын бақпасаң, Мың ауылдың малын бағарсың.
  86. Бір аштықтың бір тоқтығы бар.
  87. Бір аштың бір тоқтығы бар.
  88. Бір аштың бір тоқтығы болады, Бір тоқтың бір жоқтығы болады.
  89. Бір аяғы жерде, бір аяғы көрде.
  90. Бір аяғым жерде, Бір аяғым көкте.
  91. Бір әйелдің айласы Қырық есекке жүк болды.
  92. Бір байдың жұртына екі тышқан таласады.
  93. Бір бала бар әкеден өте туады, Бір бала бар әкеге жете туады, Бір бала бар әкеден кейін кете туады.
  94. Бір баласы бардың Шығар-шықпас жаны бар. Екі баласы бардың Жүрегінде жалы бар.
  95. Бір басқа – бір көз.
  96. Бір басқа екі бас қосылды.
  97. Бір батырға мың қорқақ шақ келмейді.
  98. Бір бидай көз көрім жерге жеткізеді.
  99. Бір биеден ала да туады, Құла да туады.
  100. Бір биенің екі емшегі, Бірі кетсе, сүті жоқ. Бір түйенің екі өркеші, Бірі кетсе, күші жоқ.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ