Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Отбасы туралы мақал-мәтелдер

«Отбасы» тақырыбындағы 573 қазақ мақал-мәтелі әліпби ретімен берілген (5-бет, барлығы 6 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Құртақандай торғай да өз ұясын қорғайды.
  2. Құтты қонақ келсе, Түйесі өсер. Құтсыз қонақ келсе, Үй иесі өлер.
  3. Құтты қонаққа тәтті тамақ.
  4. Қыдырып жеген жамбастан, Шақырып берген жауырын артық.
  5. Қыз – қонақ.
  6. Қыз алмаған жігіттің, Қырық қызда дәмесі.
  7. Қыз құшпаған ер арманда, Қызғалдақ жемеген қозы арманда.
  8. Қызға бергенді қыз өтер.
  9. Қызды жеңге, Жеңгені теңге бұзады.
  10. Қызды таныс алады, Таныс алмаса, қоныс алады.
  11. Қызы бар ауылдың қыдыры бар.
  12. Қызығын көрмеген малдан не пайда, Сыйласып жүрмеген жаннан не пайда?
  13. Қымызды кім ішпейді, Қызды кім айттырмайды.
  14. Мал бәйбішенікі, бай тоқалдікі.
  15. Мал қолда, жан ұяда.
  16. Махаббат – өмір көркі.
  17. Махаббат барда машақат бар.
  18. Махаббат жасқа қарамайды.
  19. Мейман есіктен кірсе тоқтатпа.
  20. Мейман риза болғаны – Құрметпен үйге қонғаны. Кешіктірмей шай берсең, Ұмыт болар тоңғаны.
  21. Мыңнан жүзін білгенше, Бірдің атын біл.
  22. Мыржақ жігітке ыржық қыз – Ләйлісі болады.
  23. Нағашы алған торықпас, Жиен алған молықпас.
  24. Немере етін жеп, сүйегін берер.
  25. Олақ қатынның пісірген сүті іріп кетер, Илеген терісі шіріп кетер.
  26. Ораздының отыз қонағы бір келеді.
  27. Орта жаста әйелің өлмесін, Орта жолда атың өлмесін.
  28. От жақпаған үй – қорамен тең, Кісі кірмеген үй – моламен тең.
  29. От жақпаған үй қорамен тең, Адам кірмеген үй моламен тең.
  30. От жақпаған үй сұрқай.
  31. Отау үй – оңаша бас.
  32. Отбасы – ошақ қасы.
  33. Отбасының жанжалы, Қанбай ішкен шайдан туады. Ауыр жолдың азабы, Артар атан, нардан туады.
  34. Отыз ұлым болса да орны басқа.
  35. Өз жарыңды жаттай күт, Жат көрсін де, түңілсін. Бір-біріңді қадір тұт, Жұрт үлгі алсын, үңілсін.
  36. Өз зайыбыңа дұшпанның көзімен қара.
  37. Өз үйім – өлең төсегім.
  38. Өзің сүйгенді алғанша, Өзіңді сүйгенді ал.
  39. Өлгенде көрің кең болсын, Тіріде үйің кең болсын.
  40. Өлі-тірісін берген соң өлі күйеу жатар ма.
  41. Өнегелі отаудың өрісі кең.
  42. Өсетін елдің қарты қазына болар, Өспейтін елдің қарты қазымыр болар.
  43. Өттім дей бер арманда, Жар таппасаң жалғанда.
  44. Пайғамбар да күйеуін сыйлаған.
  45. Сайына қарай саласы, Әкесіне қарай баласы.
  46. Сақау баланың тілін шешесі біледі.
  47. Салақ қатынның етін құрт жейді, Терісін ит жейді.
  48. Сараң қатын Майын тығумен құртар. Жаман қатын Кірін сығумен жыртар.
  49. Сиырдың сүті болсын, Әйелдің асы болсын.
  50. Сұлу алған жолдасынан айырылады.
  51. Сұлу әйелдің күйеуі қарауыл.
  52. Сұлу жігіт – ел көркі, Сұлу қыз – үй көркі.
  53. Сұлу сұқтануға жақсы, Ақыл жұптануға жақсы.
  54. Сұлулық тойда керек, Ләззат күнде керек.
  55. Сұм байыса, үйі тар, Қатыны қар болып көрінеді.
  56. Сүйгенін «шұнағым» дер.
  57. Сүйгенін шұнағым дейді.
  58. Сүймегенді сүйемін, сүйерімнің көңілі үшін.
  59. Сүйіктінің әрбір қылығы сүйкімді.
  60. Сүйіктің болмаса, дүние суық.
  61. Сүйіктің жоқта дүние суық.
  62. Сүйіктіңнің міні – басты қадірі.
  63. Сүюдің көркі – теңінде.
  64. Сыйлы қонақ босағада отырмайды.
  65. Сыйынғаныңнан сүйенгенің күшті болсын.
  66. Табалдырықтан биік тау жоқ.
  67. Тар есік, тар босаға.
  68. Тастарында қатын жаман, Көшерінде жұрт жаман.
  69. Тәрбие – тәлімнен.
  70. Той сылтауымен тон бітер.
  71. Тойға барған да арманда, Бармаған да арманда.
  72. Тойдың тамашасын бақпа, тағылымын бақ.
  73. Тоқ қонақты сыйлау оңай.
  74. Тоқал байғұс тоғына мәз, Бәйбішенің жоғына мәз.
  75. Тоқалдың күні де күндес, Күлі де күндес.
  76. Тоқпағы күшті болса, Киіз қазық жерге кірер. Тоқалы күшті болса, Бәйбіше байдан безер.
  77. Торғай жаңбыр жауса баласын қорғар, Бұршақ жауса, басын қорғар.
  78. Төбелеске бергісіз араша бар, Ағайынға бергісіз жанаса бар.
  79. Төлсіз тұяқ өспейді.
  80. Төркіні жақын қатынның Төсегі жиылмайды.
  81. Төркіні жақынның төсегі жиылмас.
  82. Төркіні тентек келіннің тілі ұзын, Төркіні момын келіннің жібі ұзын.
  83. Төркініне сенгеннің Төбесі – жарық.
  84. Төрт аяқтыда бота тату, Адам баласында бажа тату.
  85. Төрт тұрманы түгел бай, Тырнақтай тарту алады.
  86. Төс – күйеудің, Құйымшақ – қыздың сыбағасы.
  87. Туғанда алтау едік, өле-өле жетеуміз.
  88. Туғаныңмен сыйласпасаң, Кең дүниеге сыймассың.
  89. Туман туысқандай болмайды, Тұрман құйысқандай болмайды.
  90. Тумаң бар, туысқандай болмайды, Тұрман бар, құйысқандай болмайды.
  91. Тураушыда да жақының болсын.
  92. Туысы бірге кетпейді, Түбі бірге түтпейді.
  93. Тұлпардың өз тұяғы өзіне дәрі.
  94. Түзде мырзаң, үйде сырдаң.
  95. Түздегі май құсса, үйдегі қан құсады.
  96. Түйе тұзға келер, Күйеу қызға келер.
  97. Түндігі бүтін, түтіні түзу.
  98. Түтін түтеткен ыс жұтады.
  99. Түтін шыққан үй жылы, Төскейлей шыққан күн жылы.
  100. Тыртақай жігітке, Жыртақай әйел кез болар.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ