Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Сақтық туралы мақал-мәтелдер

«Сақтық» тақырыбындағы 399 қазақ мақал-мәтелі әліпби ретімен берілген (4-бет, барлығы 4 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Өтірік түбі – шын, бақсы түбі – жын.
  2. Пайдасы жоқ байдан без, Панасы жоқ сайдан без.
  3. Палуанның жаманы Шалдырған соң өкінер. Күзетшінің жаманы Алдырған соң өкінер.
  4. Пәле қайда деме, аяқ астында.
  5. Пәле түбі – жұт.
  6. Пәледен машайық қашады.
  7. Пәлелі жерге бармағыңды тықпа.
  8. Пәлелі жерді баспа, бассаң саспа.
  9. Пәлені қара тана бастайды.
  10. Пәленің алды – қар, арты – дауыл.
  11. Пәленің басы бурылдан.
  12. Пиғылы жаман бұқа, Ұрғашы бұзаудың қасына жатады.
  13. Пышағы бар сүйгенін жер, Пышағы жоқ тигенін жер.
  14. Пышағыңды қынымен бер, Қынымен берсең, шынымен бер.
  15. Сақ қарға сағағынан ілінер.
  16. Сақтаған көзге шөп түсер.
  17. Сақтансаң сақтаймын деген.
  18. Сақтықта қорлық жоқ.
  19. Сақтықты сұңқардан үйрен.
  20. Саналы ерде сауыт бар, Санасыз ерде қауіп бар.
  21. Сасқан үйрек артымен сүңгір.
  22. Сау басын саудаға салды.
  23. Сау басына сақина тілеп.
  24. Сауда садақпен тең, Иілсе бір түзелмейді.
  25. Сауысқан бір шоқып, қырық қаранады.
  26. Сауысқан сақтығынан өлмейді, Сұқтығынан өледі.
  27. Сауысқаннан сақ, жұмыртқадан ақ.
  28. Сәтін салған ауруға не болса сол ем.
  29. Семсер астында серт жүрмейді.
  30. Семіз қозы пышаққа сұранып тұрады.
  31. Сен тимесең, мен тимейін бадырақ көз.
  32. Сиыр алсаң, танып ал, Танымасаң, тарғыл ал.
  33. Соқырдан қарауыл қойсаң, Жұртыңды жауға алдырар. Наданнан қарауыл қойсаң, Еліңді дауға қалдырар.
  34. Соқырдың қолына түспе, Саңыраудың астына түспе.
  35. Соры бар жігітке сортаң жер жолығар, Айналасы ойпаң жер жолығар.
  36. Судағы балықты иеленбе, Ол әлі сенікі емес.
  37. Сұм ілем деп жүріп, ілініп кетеді.
  38. Сұрап алған аурудың емі табылмас.
  39. Сылбырдың аты шылбырына сүрінер.
  40. Сынамаған алдырар, Ойламаған ұтқызар.
  41. Сынықтан өзге аурудың бәрі жұғады.
  42. Сыр ашу оңай, Сыр түю қиын.
  43. Сырын білмеген аттың сыртынан жүрме.
  44. Тазы қуған қояндай.
  45. Тазыдан қашқан түлкі қақпанға тап болады.
  46. Тар жол, тайғақ кешу.
  47. Тас жауса таңдайдан, Мұз жауса маңдайдан.
  48. Тау дарақсыз, жау жарақсыз болмас.
  49. Таяқтың екі ұшы бар.
  50. Тәуекел – көзсіз батылдық.
  51. Тентек шоқпар жинар.
  52. Той тарқағанда қынаңды төбеңе қой.
  53. Тоңбай қалтырған.
  54. Төмен қонсаң, сел алар, Биік қонсаң, жел алар.
  55. Төре айғақ болса, бітім болмас, Төбе тайғақ болса, шығып болмас.
  56. Туған Ай тұрса, Үркерге қарсы қарап. Қыс түсер, Шақырайып боран борап.
  57. Тумаған балаға кіндік шеше.
  58. Түйе қараған жауға жолығар, Сиыр қараған тойға жолығар.
  59. Түйе мойнын тұз кесер.
  60. Түйені жыңғылмен айдамайды, Кендірмен байламайды.
  61. Түйенің жолы үлкен, Аттың жоны үлкен.
  62. Түн кезе берген, Түбінде шайтанға жолығады.
  63. Тыныш құлақ, сау бас, Бас сауында аулақ қаш.
  64. Тікен де гүлін қорғайды.
  65. Тікеннен шошып шоқ басқан.
  66. Тілін тісіне жаниды.
  67. Тірі жан – тісті бақа.
  68. Уәде күпті.
  69. Уды у алар.
  70. Уды у қайырады.
  71. Улы жыланның терісі жұмсақ.
  72. Ұрлық қылсаң, жалғыз қыл, Екеу болса, бірі – айғақ.
  73. Ұры жете алмайтын жаудікін алады, Соңынан қуа алмайтын жаяудікін алады.
  74. Ұры кеппе, қау бөрік.
  75. Ұры түн асқанша, Бөрі қыр асқанша.
  76. Ұрыға құрық берген.
  77. Ұрымен жақын болсаң, ұятқа қаларсың, Бөрімен жақын болсаң, қораға шабарсың.
  78. Ұрының өзіне сай сырығы бар.
  79. Ұсталмаған ұры емес.
  80. Үйіне ұры түскендей.
  81. Үндемесең, дау алар, Жата берсең, жау алар.
  82. Үрген иттен қорықпа, Ол қабам деп хабар бергені. Үрмеген иттен қорық, Ол білдірмей қабам дегені.
  83. Үре білмеген ит үйге қонақ келтіреді.
  84. Үре білмеген ит үйіне ұры келтірер.
  85. Үріккен түйеге шаңырақ салма, сындырады.
  86. Үт келді – жұт келді.
  87. Хан қасында қарақшы.
  88. Шайтанның шатағынан, Ханның қаһарынан сақтан.
  89. Шақырғанға бар, шаққаннан қаш.
  90. Шамасыз батырлық – шарасыз өлім.
  91. Шелді көзден шет жүр.
  92. Шешуі жоқ, шегі жоқ Үрейден сақта.
  93. Шөлге шықсаң шөл екенін біліп шық, шөл тәңірі – сары атанға мініп шық.
  94. Шөлмек мың күн сынбайды, Бір күн сынады.
  95. Шөп те басынан қурайды.
  96. Шыбын да аңқаудың аузын аңдиды.
  97. Шыдамның да шегі бар.
  98. Іштен шыққан жыланның Ирендеуінің жақсысы-ай.
  99. Іші қуырылмайды, пышағы суырылмайды.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ