Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Адам туралы мақал-мәтелдер

«Адам» тақырыбындағы 942 қазақ мақал-мәтелі әліпби ретімен берілген (4-бет, барлығы 10 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Жақсыны сыйласаң, есіңнен кетпейді, Жаманды сыйласаң, есігіңнен кетпейді.
  2. Жақсының басына іс түссе, Ашынар да, ашылар. Жаманның басына іс түссе, Бір тулар да, басылар.
  3. Жақсының жауы көп, Жаманның дауы көп.
  4. Жақсының жолы жарық күн, Жаманның жолы көмескі.
  5. Жақсының жүрген жері – абат.
  6. Жақсының жүрген жері базар, Жаманның жүрген жері азар.
  7. Жақсының қайрағаны өтер, Жаманның жанығаны өтер.
  8. Жақсының өзі өлгенмен, сөзі өлмейді.
  9. Жақсының сыры кетсе де, Сыны кетпейді.
  10. Жақсысы болса, қостай бер, Жаманы болса, тастай бер.
  11. Жалаң аяқ жан кешті.
  12. Жалаңаш кісіні ұры тонамайды.
  13. Жалғыздың шығар-шықпас жаны бар, Екеудің ер мінер аттай жалы бар.
  14. Жаман адам кетсе, Дүние кеңіп қалғандай болады. Жақсы адам кетсе, Дүние кеміп қалғандай болады.
  15. Жаман адам Құлқынның қара қабы. Жақсы адам Адалдықтың алтын тағы.
  16. Жаман адамға жақсы құрмет жараспас.
  17. Жаман атқа жал бітсе, Жанына торсық байлатпас. Жаман адамға мал бітсе, Жанына қоңсы қондырмас.
  18. Жаман би дауда алдырады.
  19. Жаман итті еркелетсең, Аузыңды жалар. Жаман адамды еркелетсең, Жаныңды алар.
  20. Жаман көрші көңіліңді қалдырар, Жақсы көрші жұлдызыңды жандырар.
  21. Жаман өкпелеймін деп Сыбағасынан құр қалады.
  22. Жаман сай тасыса, өткел бермес, Жаман байыса, сусын бермес.
  23. Жаман ісінен көрмейді, кісіден көреді.
  24. Жаманға еткен жақсылығың Жатқа кеткен малмен тең. Адамға қылған жақсылығың Арнап бір берген нармен тең.
  25. Жаманға мал бітсе, Жақынын танымас.
  26. Жамандық жақын, жақсылық алыс.
  27. Жамандықты ұмыт, Жақсылыққа ұмтыл.
  28. Жаманнан да жаман бар.
  29. Жаманнан жарты аяқ ас қалады.
  30. Жаманның әлі жапалаққа жетеді.
  31. Жаманның жақсысы өлсе, Адам бармайды, Жақсының жаманы өлсе, Бармаған адам қалмайды.
  32. Жаманның жақыны жоқ, Жақсының алысы жоқ.
  33. Жаманның көңілін ауласаң да, дауын даулама.
  34. Жаманның қолына бергенше, Жақсының жолына бер.
  35. Жаманның тілі ащы, Көк мияның гүлі ащы.
  36. Жан жұтамай мал жұтамайды.
  37. Жандыда балық үлкен, Жансызда қамыс үлкен.
  38. Жаным десе, жан семірер.
  39. Жаңа байдан қалтаң қалмайды, Ескі байдан талтаң қалмайды.
  40. Жаңадан байыған жақынын танымас.
  41. Жарамсақтанған ит жатқанша таяқ жейді.
  42. Жарау кісі байқап сөйлейді, Қарау кісі жан-жағын жайпап сөйлейді.
  43. Жарлы кісі бай болса, Көтін қоюға жер таппайды. Бай кісі жарлы болса, Бетін қоюға жер таппайды.
  44. Жарлы мен жалғыздың сөзі жалған.
  45. Жарлылық сені қайтейін, Жандай досты жат еттің. Кәрілік сені қайтейін, Сөйлер сөзге мерт еттің.
  46. Жарлының байға тоқтылы қой ақысы кетіпті.
  47. Жартаста шөп болмайды, Айнатазда шаш болмайды.
  48. Жастықта да кәрілік тұр, Байлықта да жарлылық тұр.
  49. Жастықта жалыны жоқтың, Қартайғанда тәлімі жоқ.
  50. Жасыратын несі бар, Жанұзақ би өліпті.
  51. Жауырды жаба тоқиды.
  52. Жеген ауыз жесін.
  53. Жейтін ауызды жемейтін ауыз бөгейді.
  54. Жексұрынды көрсе ел, Жүрсе жер тітіркенеді.
  55. Желауыз адамға, сыр айтпа, Жебір ауыз адамға, мұң айтпа.
  56. Желі тұрған оңынан. Жеті өзеннен өтеді, Жеті таудан өтеді, Арманына жетеді.
  57. Жер бауыры – жазық.
  58. Жерік талғамайды, Ғашық алдамайды.
  59. Жерік таңдамайды, Ашық алдамайды.
  60. Жетесізге айтқан сөз Желмен бірге кетеді.
  61. Жоқ табылмайды емес, Іздеуі жетіспейді; Адам бермейді емес, Сұрауы жетіспейді.
  62. Жоқты жоқ табады.
  63. Жоқтық ұят емес, Тоқтық мұрат емес.
  64. Жоқшылық – жігіттің Қолын байлар, Тәкаппарлық – жігіттің Жолын байлар.
  65. Жол білмеген адастырады, Жөн білмеген шатастырады.
  66. Жомарттың бергенін көріп, Сараңның іші күйеді.
  67. Жона бергеннің жұқарар кезі, Соза бергеннің үзілер кезі.
  68. Жорға жолында тоқтар, Жақсы жөнінде тоқтар.
  69. Жөңді салсаң, нарға сал, Жөң қорқытар жампозды.
  70. Жуан жіңішкергенше, жіңішке үзілер.
  71. Жұмса жұмырығында, ашса алақанында.
  72. Жұпарды жасыра алмайсың.
  73. Жұпыны – жұғымды, Сыпайы – сүйкімді.
  74. Жұтаған жұртын мақтайды.
  75. Жұтқан жұтамас.
  76. Жүйрік бестіден шығар, Кеңес келістіден шығар.
  77. Жүйрік шабан болады, Мойнынан жал кетсе. Жақсы жаман болады, Қолынан мал кетсе.
  78. Жүні жығылғанның – Күні жығылған.
  79. Жүрегіңнің жұмбағын Жүзің шешіп береді, Жүзің шешіп бермесе, Сөзің шешіп береді.
  80. Жығылғанға – жұдырық.
  81. Жығылғанды жер көтереді.
  82. Жыламаған балаға емшек бермейді.
  83. Жылан жалағандай.
  84. Жыланның тілі айыр, Жылан мінезді адамның сөзі айыр.
  85. Жылы орныңды суытпа.
  86. Жігіт – арының құлы, Жаман – малының құлы.
  87. Жігіттің құны – жүз жылқы, Ары – мың жылқы.
  88. Заман қамын ойлаған Саналықтың белгісі. Адам қамын ойлаған – Даналықтың белгісі.
  89. Зорлықтың түбі – қорлық.
  90. Игіліктің ерте, кеші жоқ.
  91. Иесі келсе, биесін бер.
  92. Иесін сыйлағанның итіне сүйек таста.
  93. Ит – опа, қатын – жапа.
  94. Ит басына іркіт төгілген.
  95. Ит жатқан жерде сүйек қалмас.
  96. Ит иттігін істемей қоймайды.
  97. Ит кемірген асықтай.
  98. Ит көтінен ине суырған.
  99. Ит міндетін үрумен өтейді.
  100. Ит тойған жеріне.

Басқа тақырыптар

Ағайын-туыс Ағаш, орман Адалдық-арамдық Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ