Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Бірлік туралы мақал-мәтелдер

«Бірлік» тақырыбындағы 407 қазақ мақал-мәтелі әліпби ретімен берілген (4-бет, барлығы 5 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Саусақ ашсаң – қылдырық, Жұмсаң – жұдырық.
  2. Саусақ ашылса қылдырық, Жұмылса – жұдырық.
  3. Саусақ бірікпей, ине ілікпейді.
  4. Сен бұтаны көтерсең, Бұта сені көтереді.
  5. Сенім сең бұзады.
  6. Серкесіз қой отары болмайды.
  7. Сиыр баққанда бірге едік, Жаңғақ қаққанда бөліндік.
  8. Судың түбін шым бөгейді, Даудың түбін қыз бөгейді.
  9. Сыбыр-сыбыр ойды бұзады, Құрттаған қой қойды бұзады. Көңілі бөлек өкпешіл адам, Дауласам деп тойды бұзады.
  10. Сыйласу екі кісіге бірдей.
  11. Сыңар етігі пұт жарым болып.
  12. «Сіз» деген – әдеп, «Біз» деген – көмек.
  13. «Сіз», «біз» деген жылы сөз, ағайынға жарасар.
  14. Тай қоссаң, ауылыңмен.
  15. Тамыр тартқан тарықпас.
  16. Тар жерде табысқан, Кең жерде келіседі.
  17. Тар таласып азар, Кең кеңесіп озар.
  18. Тарамдалған саусақтан, Жұмылған жұмырық артық.
  19. Татсыз түрік болмас, Түріксіз бөрік болмас.
  20. Тату болсаң, табақ қатынайды.
  21. Тату елдің тамағы таусылмайды.
  22. Тату үйде тақсырет болмас.
  23. Тату үйдің бақыты тасар, Араз үйдің ырысы қашар.
  24. Тату үйдің тамағы да тәтті.
  25. Татулық – байлық.
  26. Татулық – табылмайтын бақыт.
  27. Тау берігінде қонысың болсын, Іздеген жау таба алмайды. Ел берігінде досың болсын, Аңдыған жау ала алмайды.
  28. Тауға тау қосылмайды, Елге ел қосылады.
  29. Теңге – тиыннан, ынтымақ – ұйымнан.
  30. Тобы бірдің Тәңірі бір.
  31. Тозар елдің жанжалы бітпес, Озар елдің арманы бітпес.
  32. Тозған елді там жияр.
  33. Тозған қазды Топтанған қарға алады.
  34. Той – тоқшылық нышаны.
  35. Тоқсаны жиналып, тоқты жыққан батырлар, Сексені жиналып, серке жыққан батырлар.
  36. Тоқтығында жараспаған, Аштығында қараспайды.
  37. Тоңға жатқан мал оңбас, Тобырға түскен іс оңбас.
  38. Топтан ажыраған торға түсер.
  39. Топтанып ұшқан торғайға, Тұрымтай да бата алмас.
  40. Төбелеске бергісіз араша бар, Ағайынға бергісіз жаңаша бар.
  41. Төртеу түгел болса – алар, Алтау ала болса – алдырар.
  42. Төртеуі түгел төрге шығар.
  43. Төсекте бас қосылған, Төскейде мал қосылған.
  44. Туған мен туған табысады, Тумағанға пәле жабысады.
  45. Туырлықсыз тұл үйге Ту байлаған не керек? Туысы жоқ жалғызға Жауға шабу не керек?
  46. Туысы бірдің уысы бір.
  47. Түбі бірге түнекте де табысар.
  48. Түйе көп болса, жүк сыймайды.
  49. Түйенің бәрі нар болса, Жер бетінде жүк қалмас.
  50. Түсініспесе, төрт түлік жат.
  51. Тынбаған дау жаман, Қайта шапқан жау жаман.
  52. Тілі бірді тілек, Тілі басқаны жүрек қосады.
  53. Тірлік басқа болса да, тілек бір. Бармақ басқа болса да, білек бір.
  54. Тірліктің күші – бірлікте.
  55. У ішсең – руыңмен.
  56. Ұғысу қиын, шығысу оңай.
  57. Ұйымдасқан ұтады.
  58. Ұлы жүзді қауға беріп, малға қой, Орта жүзді қамшы беріп, дауға қой, Кіші жүзді найза беріп, жауға қой.
  59. Ұлыстың ұлы күні алдыңа келсе, Атаңның құнын кеш.
  60. Ұрыс бар жерде ырыс жоқ.
  61. Ұрыс ырыс қашырар.
  62. Ұрыс ырысты қашырар, Ынтымақ халықты асырар.
  63. Ұрыстың арты – реніш, Татулықтың арты – кеніш.
  64. Ұрыстың мерейі – ерлік, Ырыстың мерейі – бірлік.
  65. Ұрысы күшті болса, иесін сабайды.
  66. Үзіксіз – үй болмас.
  67. Үйде кісі көп болса, далада кісі тимейді.
  68. Үйден тату шығып, бату қайтты.
  69. Үйірлі жылқы үрікпес.
  70. Үйірі басқаны ноқта қосады, Атасы басқаны неке қосады.
  71. Үйірінен айырылған малды қасқыр жейді.
  72. Үлкен үйдегі күлсе, Кіші үйдегі езу тартар.
  73. Үлкен шаңырақтың жанында отау үй көрікті.
  74. Үлкенді сен сыйласаң, Кіші сені сыйлайды; Кішіні сен сыйласаң, Кісі сені сыйлайды.
  75. Үш ағайынды жігіттің, Отарында малы бар. Екі ағайынды жігіттің, Қотанында талы бар.
  76. Үштің айы – күштің айы.
  77. Халқы жаманның биі азады, Қатыны жаманның үйі азады.
  78. Халық қаһары қамал бұзады.
  79. Халық ұйғарса, хан түйесін сояды.
  80. Халықты дана қосады, Әйел мен ерді бала қосады.
  81. Хан – шаңырақ, халық – уық.
  82. Хан көп болса, жау көп.
  83. Хан қарашасыз болмас, Дау арашасыз болмас.
  84. Шаруа түбі – кеңес, Сауда түбі – келіс.
  85. Шеткі ауыл көшсе, ортаңғы ауыл шет болар.
  86. Ымыраны бұзбақ – жаманның ісі; Қатарды бұзбақ – шабанның ісі.
  87. Ынтымақ – бұзылмайтын қорған, Қосылып еккен ағаш – орман.
  88. Ынтымақ – ырыс қазығы, Уәде – жанның азығы.
  89. Ынтымақ барда ырыздық бар.
  90. Ынтымақ болмай іс оңбас.
  91. Ынтымақ жүрген жерде – Ырыс жүреді.
  92. Ынтымақ жүрген жерде, Ырыс бірге жүреді.
  93. Ынтымақ түбі – бірлік.
  94. Ынтымақ түбі – игілік, Тірлік түбі – бірлік.
  95. Ынтымақ түбі – игілік, Тірлік, тірлік түбі – бірлік.
  96. Ынтымақ түбі – игілік.
  97. Ынтымақ істі тындырар.
  98. Ынтымақсыз елді – Ұрысы билейді. Ынтымақты елді – Дұрысы билейді.
  99. Ынтымақсыз елді ұрысы билейді.
  100. Ынтымақтың арты игі.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Батырлық Бау-бақша Бесік Би, билік, шешендік Биік-аласа Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ