Мазмұнға өту
bilimger.kz
Мақала жариялау
academ.kz онлайн сабақ беріп, қосымша табыс табыңыз·оқушы Kaspi арқылы тікелей сізге төлейді·комиссия 0% academ.kz қосымша табыс табыңыз·14 күн тегін 14 күн тегін Тегін бастау

: «» · ₸

Қайта төлеу

Батырлық туралы мақал-мәтелдер

«Батырлық» тақырыбындағы 294 қазақ мақал-мәтелі әліпби ретімен берілген (2-бет, барлығы 3 бет). Мақалды басып, оның жеке бетін ашыңыз — онда тақырыптас және мағынасы ұқсас мақалдар бар.

  1. Елге ел қосылса – құт, Желге сел қосылса – жұт.
  2. Елдік түбі – бірлік.
  3. Елмен дауласпа, Ермен жауласпа.
  4. Елуінде ер – дана, Елу жылда ел жаңа.
  5. Елі еріксіз болса, Ері көріксіз болар.
  6. Елі жоқ – жер жетім, Ері жоқ – ел жетім.
  7. Елінен айрылған ер мұңлық, Көлінен айрылған қаз мұңлық.
  8. Елінен кетсе, ер – жетім, Егінші кетсе, жер – жетім.
  9. Елінің даңқын батыры шығарар, Батыры шығармаса, ақыны шығарар.
  10. Ер – намысының құлы.
  11. Ер бақыттың қонғанын білмейді, Ұшқанын біледі.
  12. Ер басына дау келсе, Ерлігі кетер басынан. Би басына дау келсе, Билігі кетер басынан.
  13. Ер екі сөйлемейді.
  14. Ер елдің – Ық жағының қаласы, Жел жағының панасы.
  15. Ер елінде кәдірлі, Гүл жерінде кәдірлі.
  16. Ер еруде бала мінезді, Ер сайыста шала мінезді.
  17. Ер жапа көрмей, Опа көрмес.
  18. Ер жігіт – Етек, жеңі кең жігіт.
  19. Ер жігіт айтпайды, Айтса, қайтпайды.
  20. Ер жігіт бір сырлы, Сегіз қырлы болсын.
  21. Ер жігіт бір терінің ішінде Семіріп толады да, Арықтап солады да.
  22. Ер жігіт елдікі. Ебелек желдікі.
  23. Ер жігіт елі үшін туады, Елі үшін өледі.
  24. Ер жігіт не көрмейді, Ер көңілі не бермейді.
  25. Ер жігіт үйінен шықса, үйіріне қосылар.
  26. Ер көтерер өлімді, Дос көтерер көңілді.
  27. Ер қадірін білмеген Ел қадірін білмейді.
  28. Ер қадірін іс түскенде білерсің, Етік қадірін қыс түскенде білерсің.
  29. Ер қартайса, қазаншы болады, Бүркіт қартайса, тышқаншы болады.
  30. Ер намысқа шабады, Намысқа шапса, Алысқа шабады.
  31. Ер не көрмейді, Ер көңіл не бермейді.
  32. Ер өтірік айтпайды, Ел өтірік айтады.
  33. Ер сүйгендей досың болсын, Жер сүйгендей қосың болсын.
  34. Ер сыйлаған есікке отырмас.
  35. Ер сыйлаған жерде кәдірлі.
  36. Ер шекіспей, бекіспейді. Ер тарықпай, молықпайды.
  37. Ер шешуде, нар кешуде сыналар.
  38. Ерге лайық ат туар, Жерге лайық шөп шығар.
  39. Ерге сүйенсең, Ергенегің мықты болар. Елге сүйенсең, Қараша үйің құтты болар.
  40. Ерден ердің қаупы бар.
  41. Ерді ел өсіреді, Гүлді жер өсіреді.
  42. Ерді ер ақтайды, Еңбекті жер ақтайды.
  43. Ерді жаяулық емес Қаяулық аздырады.
  44. Ерді намыс өлтірер, Қоянды қамыс өлтірер.
  45. Ерді талап ұшырар, Құсты қанат ұшырар.
  46. Ерді тасқанда көр, Жауды қашқанда көр.
  47. Ердің айнасы – елі, Жердің айнасы – көлі.
  48. Ердің асылы Күшінен білінеді. Қатынның асылы Ісінен білінеді.
  49. Ердің атағы туырлықтай, Өзі буылдырықтай.
  50. Ердің атын не аты шығарар, Не қатыны шығарар.
  51. Ердің жақсысы Елімен ойласады.
  52. Ердің көңілі жібектей Бір түйілсе, шешілмес. Ер қонысы түбектей Жау еркіндеп көсілмес.
  53. Ердің қадірін Өлгенде білерсің. Елдің қадірін Жат жерде жүргенде білерсің.
  54. Ердің ұялғаны – өлгені, Еменнің майысқаны – сынғаны.
  55. Ердің ісі – келіс. Ездің ісі – керіс.
  56. Ерегіспен ер өлер, Екі тентек егессе, Екеуінің бірі өлер.
  57. Ерегісте ер өлер, Екі батыр егессе, Екеуінің бірі өлер.
  58. Ерлік пен бірлік – егіз.
  59. Ерлікте шек жоқ, Жақсыда кек жоқ.
  60. Ері даңқты болса, Елі антты болса, Әруағы артып жүреді, Жауы аяғын тартып жүреді.
  61. Ерінен айрылған, Көмгенше жылайды. Елінен айрылған, Өлгенше жылайды.
  62. Етек-жеңі кеңдік Елге тән қасиет. Ептілік пен ерлік Ерге тән қасиет.
  63. Етектен кесіп жең болмас, Ежелгі дұшпан ел болмас.
  64. Етігін шешпей, Ер тыңаймас. Ер-тоқымын шешпей Ат тыңаймас.
  65. Жағым сынса да, сағым сынбасын.
  66. Жайсаң жігіт болғаның, Жолдасыңның арқасы. Қайсар жігіт болғаның Қолбасыңның арқасы.
  67. Жаман жолдас жауға алдырар, Жаман би дауға алдырар.
  68. Жаман жігіт Жолдасын жауға алғызар, Өзін ұятқа қалғызар.
  69. Жанжалшыл елге жақын қонба, Оқпанды жерге егін салма.
  70. Жау жеңетін жігіттің Жарағынан танимын. Дау жеңетін жігіттің Талабынан танимын.
  71. Жау жоқта – батыр көп, Дау жоқта – ақыл көп.
  72. Жау мен дау – егіз.
  73. Жау тілегенге жасым түседі.
  74. Жау шақырып, аттан салма! Дау шақырып, барымта алма!
  75. Жауға барсаң, бәрің бар, Дауға барсаң, бірің бар.
  76. Жауға жаның берсең де Сырыңды берме.
  77. Жаудан жер де жиренеді.
  78. Жауды басындырма, Жақынды ашындырма.
  79. Жаудың тысында болма, ішінде бол.
  80. Жауынан қашқан жарға паналар, Жаудан қашқан қайда паналар.
  81. Жел тұрды десе, Үйіңе арқан сал. Жау келді десе, Қарыңа қалқан ал.
  82. Желмен жарыспа, Ноймен алыспа.
  83. Жеңілген күреске тоймайды.
  84. Жердің жарлысына Ердің сорлысы қонар.
  85. Жол жарасты көрінер Ылдиы мен өрімен, Қол жарасты көрінер Қолбасшы батыр ерімен.
  86. Жорға жолға түспесе, Жол ұрады. Ер жолға түспесе, Қол ұрады.
  87. Жортуылшы жолда өлер.
  88. Жүйрікті шапқанда көр, Ерді сасқанда көр.
  89. Жүк ауырын нар көтереді, Ел ауырын ер көтереді.
  90. Жығылған күреске тоймайды.
  91. Жығылған, жерге сүйенеді, Жыққан елге сүйенеді.
  92. Жыланды шала өлтірме, Жауды жақын келтірме.
  93. Жылқы үйірін сағынар, Сағынар да сабылар. Ер үйірін сағынар, Етек, жеңін қағынар.
  94. Жібек белбеу – белдің көркі, Батыр жігіт елдің көркі.
  95. Жігіт жолдасынан белгілі, Сарбаз қол басында белгілі.
  96. Жігіттің жолбарысы – Жол торымайды, ел қориды.
  97. Кезенген жаудың кезінен сақтан, Сойқандының сөзінен сақтан.
  98. Керуен басы білікті болса – Көлік азбайды. Қолбасы білікті болса – Сарбаз тозбайды.
  99. Керуен көркі – нарымен, Батыр көркі – арымен.
  100. Күміс тозса – күл, Жігіт арыса – құл.

Басқа тақырыптар

Ағайын-туыс Ағаш, орман Адалдық-арамдық Адам Адамгершілік Азамат, жігіт, ер Азшылық-көпшілік Ақыл-парасат Ақылды мен ақымақ Ақындық Алғыс-қарғыс Алыс-жақын Амал-айла Аман-сәлем Ант беру, серттесу Аңшылық Ар-ұят Арақ-шарап Арман Арық-семіз Ас-ауқат Аспан Асығыстық Ат әбзелдері Ат-атақ Ата-ана Ауыл-қоныс Ашу-ыза Әдемілік, сұлулық Әділдік Әзіл, күлкі Әр түрлі мақал-мәтелдер Байлық Бақсылық Бақыт Бал Бала, ұрпақ Балық Бата Бау-бақша Бесік Би, билік, шешендік Биік-аласа Бірлік Бұйым Бұл-мата Гүл Дау-жанжал Демалыс Дене мүшелері Денсаулық Дос-дұшпан Достық Егіншілік Егіс Ел Еңбек Ер-әйел Есек Ескі-жаңа Жазмыш Жақсы-жаман Жалғыздық Жан-жануарлар Жастық-кәрілік Жәндіктер Жел Жеміс-жидек Жеңіс-жеңіліс Жер, табиғат Жетімдік Жігіт Жоқшылық Жол, сапар Жомарттық, мырзалық Жыл, мезгіл, ғасыр Заң, құқық Имандылық Ит Кешірім Киіз үй Киім-кешек Кітап Көлік Көмек, асар Көңіл-күй Көпшілік қауым Көші-қон Күншілдік, қызғаныш Күш-қуат Қала, шаһар Қалау, сұрау Қан, қатігездік Қанағатшылдық Қару-жарақ Қарыз-несие Қасқыр, бөрі Қателік, дұрыстық Қожа, молда Қол өнері Қонақ, қонақжайлылық Қорқыныш, үрей Қуаныш, шаттық Құда-жегжат Құдай, дін Құлдық Құрал-сайман Құс Қыздар Мал, малшылық Мансап, басқарушылық Махаббат, ғашықтық Мемлекеттік рәміздер Менмендік, тәкаппарлық Металл Мінез-құлық Мұң-шер, қайғы Мұра, жәдігер Нан Наным-сенім Нәпсі Ой Ойшылдардың нақыл сөздері Ойшылдық Ойын Оқу, білім, ғылым Олжа, пайда Отан Отбасы Өлім Өлшем Өнер Өң-түс Өртену, өрт Өсиет Өсімдіктер Өсу, өну Парақорлық, жемқорлық Пендешілік көлеңкелері Пікір, көзқарас Ру Сабыр Сағыныш Сақтық Салт-дәстүр Сандар Сауда-базар Сор мен бақ Су Сыйластық, құрмет Тазалық Татулық пен араздық Тау-тас Тәрбие Терең-таяз Тіл, сөз Тіршілік Той, мереке Туыс-туған, көрші-қолаң Түрме Тұз Уақыт, заман Үміт Үнемшілдік, үнемсіздік Ұйқы Ұрлық-барымта Ұста-шебер Халық Хандық, патшалық Шайтан, жын Шындық-жалғандық Ыдыс-аяқ