Олжас Сүлейменов нақыл сөздері

XX ғасыр ғалымдары мен жазушылары · 1936 ж. туған · 13 сөз

Олжас Сүлейменов — орыс тілінде жазатын қазақ ақыны, жазушы, тілші-зерттеуші және қоғам қайраткері, Алматыда туған. 1960 жылдардан бастап поэзиясымен кең танылып, «Аз и Я» кітабында түркі тілдері мен тарихына қатысты батыл ой айтты. 1989 жылы «Невада — Семей» ядролық қаруға қарсы қозғалысын құрып, кейін дипломатиялық қызмет атқарды.

1. Мен қайғырам,
   Зәбір көріп қай халық
   Қасіретке батар болса қайғы алып.
2. Айналайын, о, Қара Жер, айналшы,
   Мен өлейін бірге өзіңмен айналып.
3. Кешіре біл ағайынды суысқан,
   Ел бақытты, — сен жымисаң,
   Туысқан!
4. Мен өз елімді және оның халқын, олардың беріктілігі мен төзімділігі үшін сүйемін. Бірақ мен ешқашан бір елді екінші елге айдап салушы «ұлтжандыларды» сүйе де алмас едім, түсіне де алмас едім.
5. Тілдер туыстығы — мәдени туыстық.
6. «Халықтар достығы» — адамдар арасындағы достық пен өзара құрмет сезімінсіз, абстрактілі һәм тұрлаусыз ұғым.
7. Тауларды аласартпай — даланы биіктетейік.
8. Түркілік қоғамда әйелдерге кең құқықтар берілген. Олар мемлекеттік істерге белсене араласқан. Тақтың мұрагерін ана тәрбиелеген.
9. Ұлы ойшылдардың теориялық қисындарының көпшілігі қазір түсініксіз көрінуі заңдылық. Олар ертеңгі күннің жарығы болуы да мүмкін. Олар замандастарымызды келер дәуірлер ұғымымен ойлануға шақырады. Ал онсыз болашақтың таңы атуы екіталай.
10. Отырар ойран болар ма,
    Бір сатқын жығып бермесе?!
11. Түсінбестікті тудыратын тарих емес, сол тарихты оқып ұғыну.
12. Нағыз тарих — халықтардың ежелден бергі бейбітшілік, қызметтестік пен өзара байланыстылық шежіресі. Шіркін, сол шежірені қалпына келтірсе ғой! Сонда көп ұлтты халқымыздың келешегін де айқынырақ көріп-білуге болар еді.
13. Қария тарих — қаптаған жалын
    Лап етіп жанған түздерде,
    Алауға атам қақтаған жанын,
    Аңызы қалған біздерге...