Сәкен Сейфуллин нақыл сөздері

Ағартушылар мен Алаш зиялылары · 1894–1938 · 9 сөз

Сәкен Сейфуллин — қазақ ақыны, жазушысы, мемлекет қайраткері, қазіргі қазақ әдебиетінің негізін қалаушылардың бірі. 1920 жылдары Қазақ АКСР Халық Комиссарлары Кеңесінің төрағасы болды. «Тар жол, тайғақ кешу» романы мен «Көкшетау» поэмасының авторы, 1938 жылы саяси қуғын-сүргін құрбаны болды.

1. Шалқыған біздің жақтың көлдері бар,
   Ағашты биік таулы жерлері бар.
   Өзен, су, көлдер жайлап, тау қыстайтын
   Меймандос, берекелі елдері бар.
2. Думанды шалқар көлдері-ай,
   Еркін дала белдер-ай.
   Қаздай қатар мыңғырып,
   Тізіліп көшкен елдер-ай.
3. Жүрекке ыстық, көзге сүйік өз елім,
   Тең құрбымен қағысып, ойнап жүргенім.
4. Жылқы, қой, сиыр, түйелі,
   Сағындым Арқа — жерімді.
5. Біздің бір үлкен кемшілігіміз — басқа жұрттан бұрын өзімізді «киргиз» дейміз. Біздің «Қызыл Қазақстан» журналы орысша «Красный Киргизстан» деп аталады. Егер де біздің қазақ бұл қатені түзетем десе, оп-оңай түзетіп әкетер еді...
6. Қазақты қазақ дейік, қатені түзетейік.
7. Кеңсе тілі қазақша болмай, іс оңбайды.
8. Халықтың қорлық көрген туын ұстап
   Әділдік жолын іздеп қуған едім.
9. Өнерлі елге жетпек керек,
   Болды ғой, басып озып өтпек керек.