Майлықожа Сұлтанқожаұлы нақыл сөздері

Билер мен жыраулар · 1835–1898 · 8 сөз

Майлықожа Сұлтанқожаұлы — XIX ғасырдағы Сыр бойы ақындық мектебінің көрнекті өкілі, айтыскер ақын. Өлеңдерінде адамгершілік, еңбек, жақсы мен жаман туралы ғибратты ойлар айтылады.

1. Елге келген жұмысқа жақсы жүрер қайысып, жаман жүрер майысып.
2. Ақын — елдің тұлпары,
   Кетпейтін басы кермеден.
3. Көпті көрген ер жігіт — көсем болар төселіп.
4. Ерінбегеннің еңбегі жанар.
5. Бақ қонады ұл таңдап,
   Қонақ қонар үй таңдап.
   Болымы жоқ бозбала,
   Бейнеттен қашар бұлтаңдап.
6. Жігіттің бағы қайтады — ағайын жұртын алдаса.
7. Аңдысқан мынау дүниеде — біреуге-біреу табашы.
8. Өңкей жақсы қосылса —
   Бітіреді кеңесті.
   Өңкей жаман қосылса —
   Шығарады егесті...