Шал ақын Құлекеұлы нақыл сөздері

Билер мен жыраулар · 1748–1819 · 7 сөз

Шал ақын — XVIII ғасырдың соңы мен XIX ғасырдың басында өмір сүрген қазақ ақыны, жырау. Абылай хан заманының куәсі болған. Өлең-толғауларында адамгершілік, ел бірлігі, жігіттің абыройы мен жауапкершілігі туралы өсиет айтылады.

Шал ақын Құлекеұлы өлеңдері

1. Екі арыстан қосылса дәуді өлтірер, ажал келсе — ауру түгіл сауды өлтірер, қаныпезер бұзақы жігіт болса — тыныш жатқан еліне дау келтірер.
2. Қона берсе, жерің тозар,
   Шаба берсе, елің азар,
   Жасай берсе, ерің азар,
   Ерің азған кезінде — елің азар.
3. Бақытты жігіт қол бастар,
   Шешен жігіт дау бастар,
   Әлемнен озған алааяқ
   Озып бір кетсе ойқастар.
4. Аққу құс — көлдің көркі,
   Ер жігіт — елдің көркі.
5. Бір жігіт бар — құр жан,
   Бір жігіт бар — тірі жан,
   Бір жігіт бар — жігіт жан.
6. Ағайының көп болсын,
   Бірлігі оның бек болсын!
   Жамандық жер кез болса, —
   Бір-біріне сеп болсын!
7. Майда бол жігіт болсаң тал жібектей,
   Жарамайды қатты болу тікенектей.
   Білімің болса-дағы ұшан-теңіз,
   Пайда жоқ өз халқыңа қызмет етпей.