Әлихан Бөкейханов нақыл сөздері

Ағартушылар мен Алаш зиялылары · 1866–1937 · 15 сөз

Әлихан Бөкейханов — қазақ қоғам қайраткері, ғалым, публицист, Алаш партиясының көсемі және Алашорда үкіметінің төрағасы. «Қазақ» газетінің ұйымдастырушыларының бірі болып, қазақ жері мен ел болашағы туралы көп мақала жазды. 1937 жылы қуғын-сүргін кезінде атылды.

1. Жұрт ісін түс көрмей, ояу жүріп іздеу — мақсат.
2. Ұлтына, жұртына қызмет ету — білімнен емес, мінезден.
3. Жалпақ жұрттың көкірегінде жақсылық болмаса — жұрт жұрт болып тіршілік құра алмақ емес.
4. Жұрт пайдасына таза жолмен тура бастайтын ер табылса, қазақ халқы соңынан ерер еді.
5. Елдің тұрмысын, тілін, мінезін білмеген кісі көш басын да алып жүре алмайды.
6. Әкім халықтың көбіне сүйенсе, күшті болады.
7. Ел берекесінің кетуінің түпкі себебі — қазақта бірліктің жоқтығы.
8. Қазақ баласы бірігіп, тізе қосып іс қылса — халықтық мақсат сонда орындалады.
9. Біздің жұрт бостандық, теңдік, құрдастық саяси ісін ұғынбаса, тезек теріп, тарих жолында артта қалады. Бақыт, махаббаттан тысқары болады. Бұл екеуі жоқ жұртқа тіршілік неге керек?!
10. Халық ісін орнына салуға көп ақыл, көп қызмет, көп жылғы шебер істеген әдіс керек.
11. Бөтен кісі қазаққа ешқайдан ештеңе жақсылық әкеп бермейді.
12. Қазақ жері — мал кіндігі: мұнда бұрын-соңды қай жұрт жүрсе де мал баққан.
13. Қазаққа әкеп мұжық қамытын кигізе салса — бұл бір түске кірмеген қиыншылық: бұдан қазақ безуі керек.
14. Мансапқұмар ел — кемелдікке жетпеген ел.
15. Қазақ-ау! Оян! Мұжық көші жүріп кеткенде жұртта қалып жүрме!