Маңына ұрық шашпаған жақсылық, жапанда жалғыз өскен бәйтерекше, тұл болады да қалады.

Мұхтар Әуезов туралы

Мұхтар Әуезов — қазақ жазушысы, драматург, ғалым, әдебиеттанушы, абайтанудың негізін салушы. «Абай жолы» роман-эпопеясы мен «Еңлік — Кебек», «Қаракөз» пьесаларының авторы. Қазақ әдебиеті мен ғылымының дамуына зор үлес қосты.

Мұхтар Әуезов: басқа нақыл сөздері

• Азамат сыны — ерлік, ерлік сыны — елдік.
• Алтын анам Отаным, сенен аяр жаным жоқ, сенен іркер күшім жоқ деп, ер қайратына мін дағы, өрге бас.
• Ел болам десең, бесігіңді түзе.
• Бұл дәуірде өз тілін, әдебиетін білмеген, қадірлемеген адам толық мәнді интеллигент емес деуге де болады. Себебі, ол қандайлық мамандық білімі болса да, рухани ой тәрбиесінде сыңар жақ азамат болады.
• Қазақ мектебіндегі бала келешекте қай мамандыққа барам десе де, ең алдымен, өзінің ана тілін, әдебиетін сүюі шарт. Сол сүюді орта мектеп табалдырығын аттаған соң да, мамандық, білім беретін жоғары мектепке ауысқанда да асыл қасиетіндей сақтауы керек.
• Ұлттың тілі — сол ұлттың жаны, рухы, жан-дүниесі. Ол жүректі соқтыртып тұрған қан тамыры сияқты. Егер де қан тамыры жабылып қалса, жүрек те соғуын тоқтатпай ма?
• Адам көркі — ақыл.
• Жауға жалынба, Досқа тарылма.
• Дос таппаған ер азар, Басшы бақпаған ел азар.
• Іздесең — табарсың, алыссаң — аларсың.
• Жүрген жақсы, көп дүниені көрген жақсы. Бірақ соның бәрінен де тағы бір жақсы бар: көре біліп, жүре-жүре келіп, Отаныңа қайтқан сәт бәрінен де жақсы.
• Қазақ жұртының өткен күндеріне көз салғанда, оқыған азаматтарының артынан ерген күндері аз да болса мағыналырақ, тәуір күндердің бірі деп саналады.

XX ғасыр ғалымдары мен жазушылары: басқа тұлғалар не деген

• Қазақ елі — өз мұңын өзі ойлап, өзі ізденіп, тіршілік деген кең майданда сыналған ел. — Ғабит Мүсірепов
• Ата-ана қадірін біле алмаған — халық қадірін біле алмас, халық қадірін білмеген — ата-ана қадірін біле алмас. — Бауыржан Момышұлы
• Елге деген сатқындық ең алдымен оның болашағына сенбеуден басталады. — Мұзафар Әлімбаев
• Күн көреді әкесіз де анасыз, Өмір сүрер әйелсіз де баласыз. Ал Отансыз — нағыз сорлы панасыз! — Мұқағали Мақатаев
• Ана тілінсіз халық болмайды. Тілінен айырылған ұлт — тарихынан, түп-тамырынан айырылған ұлт. Тілсізді ұлт деуге болмайды. Тілінен айырылған халық — ата-бабасының, туған әкесі мен анасының атын ұмытқан халық. Ал ондайларды мәңгүрт деп атайды. — Шерхан Мұртаза
• Халыққа да жылы сөз керек. — Қадыр Мырзалиев
• Айналайын, о, Қара Жер, айналшы, Мен өлейін бірге өзіңмен айналып. — Олжас Сүлейменов
• Тәуекелсіз қауым — тәуелсіз бола алмайды, алауыз қауым — азат бола алмайды. — Әбіш Кекілбаев

Басқа тұлғалардың қанатты сөздері

Көне түркі дәуірі

Билер мен жыраулар

Ағартушылар мен Алаш зиялылары

XX ғасыр ғалымдары мен жазушылары