Іздесең — табарсың, алыссаң — аларсың.

Мұхтар Әуезов туралы

Мұхтар Әуезов — қазақ жазушысы, драматург, ғалым, әдебиеттанушы, абайтанудың негізін салушы. «Абай жолы» роман-эпопеясы мен «Еңлік — Кебек», «Қаракөз» пьесаларының авторы. Қазақ әдебиеті мен ғылымының дамуына зор үлес қосты.

Мұхтар Әуезов: басқа нақыл сөздері

• Қазақ мектебіндегі бала келешекте қай мамандыққа барам десе де, ең алдымен, өзінің ана тілін, әдебиетін сүюі шарт. Сол сүюді орта мектеп табалдырығын аттаған соң да, мамандық, білім беретін жоғары мектепке ауысқанда да асыл қасиетіндей сақтауы керек.
• Ұлттың тілі — сол ұлттың жаны, рухы, жан-дүниесі. Ол жүректі соқтыртып тұрған қан тамыры сияқты. Егер де қан тамыры жабылып қалса, жүрек те соғуын тоқтатпай ма?
• Маңына ұрық шашпаған жақсылық, жапанда жалғыз өскен бәйтерекше, тұл болады да қалады.
• Адам көркі — ақыл.
• Жауға жалынба, Досқа тарылма.
• Дос таппаған ер азар, Басшы бақпаған ел азар.
• Жүрген жақсы, көп дүниені көрген жақсы. Бірақ соның бәрінен де тағы бір жақсы бар: көре біліп, жүре-жүре келіп, Отаныңа қайтқан сәт бәрінен де жақсы.
• Қазақ жұртының өткен күндеріне көз салғанда, оқыған азаматтарының артынан ерген күндері аз да болса мағыналырақ, тәуір күндердің бірі деп саналады.
• Абай атамыз: «Қазақтың өзге жұрттан сөзі ұзын» деп бекер айтпаған шығар, өмірдегі қай-қай ситуацияны болсын, сөз білген қазақ мөлдіретіп, төгілдіріп, кестелі сөзбен бейнелеп бере білген ғой...
• Қол жетпес шыңыраудағы су болғанша, пайдасы көпке тиетін жайдақ су болған жақсы.

XX ғасыр ғалымдары мен жазушылары: басқа тұлғалар не деген

• Бұл кездегі басты ауру — өз халқына өзі сенбеу. Өз халқымыздың момындығына, енжарлығына сүйеніп, үнемі өтірік айту. — Ғабит Мүсірепов
• Отбасының өнегесі — Отан өнегесі. — Бауыржан Момышұлы
• Қазақ халқы жиырмасыншы ғасырдың бүкіл өне бойында өзге халықтар түсінде көрсе шошып оянардай қасіретті оқиғаларды бастан кешірді. Мен өз халқымның көнбеске көніп, шыдамасқа шыдай алатын қайратына қайран қаламын! — Мұзафар Әлімбаев
• Оңай сөз ғой «Отанды сүйем» деген, Іс тынбайды «жанамын, күйем» менен... Өгей әке емес қой Отан деген, Отанды мен Атамдай иемденем. — Мұқағали Мақатаев
• Ана тіліміздің мәртебесін көтеру — басқа тілдердің жолын кесіп, бағын байлау емес. «Өзің өлме — өзгені де өлтірме» деген сөз. — Шерхан Мұртаза
• Нағыз қазақ — қазақ емес, нағыз қазақ — домбыра. — Қадыр Мырзалиев
• Кешіре біл ағайынды суысқан, Ел бақытты, — сен жымисаң, Туысқан! — Олжас Сүлейменов
• Қазақтың жерін кең қылып берген тағдыр соған байланысты сорын да аз қылып бермеген. — Әбіш Кекілбаев

Басқа тұлғалардың қанатты сөздері

Көне түркі дәуірі

Билер мен жыраулар

Ағартушылар мен Алаш зиялылары

XX ғасыр ғалымдары мен жазушылары