Қазақтың тыйым сөздері
Қазақтың тыйым сөздері — әдеп, үлкенді құрметтеу, тазалық пен ысырапсыздыққа үйрететін халық тәрбиесінің мұрасы. Түсіндірмесімен. Барлығы: 745. 3-бет, барлығы 8 бет.
- Жылқы ұстайтын «құрық», құлын байлайтын «желі», қозы көгендейтін «көген», «жүген», «ноқта», шаңырақ көтеретін «бақан» және т.б заттарды, әсіресе әйелдерге аттап өтуге немесе оларды басуға болмайды.
- Жіпті мойныңа салма.
- Зиратқа қарап қол созба.
- Ит баласын үйде ұстама.
- Итті, мысықты теппе.
- Иттің құйрығынан тартпа.
- Кез келген жерді себепсіз қазба.
- Кек сақтама.
- Кемтар адамға күлме.
- Кептерге тиіспе.
- Киіз үйдің шаңырағына салынған қарлығаш ұясын бұзуға болмайды.
- Киімді желбегей жамылма.
- Киімді теріс киме.
- Киімнің жағасын баспа.
- Көбікті төкпе, көпті сөкпе.
- Көгенді аттама.
- Көзі соқырға жолдас болсаң да, көңілі соқырға жолдас болма.
- Көзіңді алайтпа.
- Көзіңді жыпылықтатпа.
- Көк шөпті жұлма.
- Көкөрім шыбықты сындырма.
- Көктемде жан-жануарға тиіспе.
- Көп сөйлеме.
- Көп ішінде жалғыз мақтанба.
- Көпке топырақ шашпа.
- Көптен дараланба.
- Көрпені теріс салма (яғни көрпенің тұйық жағын босағаға қаратып салма).
- Көрпенің ірге жағын тұйықтап жатпа.
- Көршілердің тамақ әкелген ыдысын бос қайтаруға болмайды.
- Көршіңе жамандық ойлама.
- Күйеуіңнен бұрын жатпа.
- Күйеуіңнің ірге жағына жатпа.
- Күлге қарап дәрет сындырма.
- Күлді баспа.
- Күн батар алдында ұйықтама.
- Күн батарда күнмен таласып жұмыс істеме.
- Күн батқан соң, қорадан мал шығарма.
- Күн құлақтанса, күрегіңді сайла.
- Күн шығарда ұйықтама.
- Күн шыққан соң ұйықтама.
- Күндес көргеннің қызын алма.
- Күні түскенге кісәпір болма.
- Күректің сабын аттама.
- Күрсінбе.
- Кірдің суын баспа.
- Кірдің суын есік көзінен төкпе.
- Кісі ақысын жеме.
- Кісі келгенде, тамақ сұрама.
- Кісі келгенде, үй сыпырма.
- Кісі төсегіне отырма.
- Кісіге қарап бала емізбе.
- Кісіге қарап бейберекет күлме.
- Кісіге қарап есінеме.
- Кісіге пышақ сұқтама.
- Кісіні айналма.
- Кісісі қайтқан үй көңіл айтуға келген адамдарды қарсы алмайды, шығарып та салмайды.
- Қазан ернеуін босағаға қарай қисайтып аспа.
- Қазанды ашық қалдыруға, төңкеруге болмайды.
- Қазанды төңкерме, теппе.
- Қайшыны көк шөпке тастама.
- Қайықты теңселтпе.
- Қамырдан қуыршақ жасама.
- Қара жерге қазық қалдырма.
- Қара жерді жамандама, қайтып сонда барарсың, қауым елді жамандама, қарғысына қаларсың.
- Қара жерді қазулы қалпында қалдырма.
- Қара суды сапыруға болмайды.
- Қара, қызыл, ақ түсті шүберекті үй үстіне жайма.
- Қаралы елге тиіспе.
- Қаралы үйде дауыс көтеріп күлмейді.
- Қарлығаштың ұясын бұзба.
- Қарт адамның алдын кеспе.
- Қаруды адамға кеземе.
- Қаршығаның етін жеме.
- Қатты сөйлеме.
- Қатын мен балаға сыр айтпа.
- Қатынға қатты сенбе.
- Қисынсыз сөз айтпа.
- Қой жүнін өртеме.
- Қойға қошқар салғанда, зекіп сөйлеме.
- Қойға қошқар салғанда, қамшы көрсетпе.
- Қол жумай жозы қасына барма.
- Қолыңды айқастырма.
- Қолыңды артыңа қусырып жүрме.
- Қолыңды сермеп сөйлеме.
- Қолыңды таянба.
- Қолыңды төбеңе қойма.
- Қонағыңа ашуланба.
- Қонағыңды жұмсама.
- Қонаққа кетік кесемен шай құйма.
- Қонақтың алдын орама.
- Қораға дәрет сындырма.
- Қотанға дәрет ұстатпа.
- Қотанда ысқырма.
- Құбылаға қарап дәрет сындырма.
- Құдайға тіл тигізбе.
- Құдыққа түкірме.
- Құмырсқаның илеуін бұзба.
- Құндыз аулама.
- Құран оқығанда жалаң бас отырма.
- Құран оқығанда күлме.