Қараторғай
Үкілі Ыбырай · 1860–1930 · 18 жол
Құс болсаң, жібектен бау тағар едім,
Күмістен тұғырыңды жабар едім.
Мойныңа сары алтыннан алқа тағып,
Қолға алып, сылап-сипап бағар едім.
Салайын мен əніме,
Қараторғай, қараторғай.
Қайырмасы:
Хала-ла-ла,
Лила-ла-ла,
Ли-лай-ла.
Болғанда қасың қара, шашың сүмбіл,
Албырап екі бетің жанар гүл-гүл.
Бейіштің гүл жамылған сарайында,
Сайраған тоты құстай сен бір бұлбұл.
Қайырмасы.
Хала-ла-ла,
Лила-ла-ла,
Ли-лай-ла.