Қара көз
Үкілі Ыбырай · 1860–1930 · 14 жол
Шіркін-ай жақындығы қандай еді,
Құрбының өзі теңдес маңдайы еді.
Ахау, айым, қара көз айым,
Кез болған кезең жерде сəулетайым.
Бағдаттай кең шаһарда гүл жазира,
Мақсатқа жетемін бе, уа, дариға.
Ахау, бұлбұл, мойның бұрғыр,
Бұралып тал шыбықтай жолда тұрғыр.
Лағыл тас су түбінде жатады алтын,
Суының беті жылы, түбі салқын.
Суынан сол лағылдың сүзіп алып,
Азырақ көрер ме еді бар рахатын.
Ахау, айым, жорға тайым,
Кез болған кезең жерде, қалқатайым.