Жан баспас
Үкілі Ыбырай · 1860–1930 · 16 жол
Қара -ай көзің сүзіліп,
Қынай белің үзіліп.
Сіз-біз деген отыз тіс
Меруерттей тізіліп;
Ұйықтамадым ой ойлап,
Жүре алмадым той, тойлап.
Санаменен сарғайдым,
Қарағым, қалқам, сені ойлап.
Үйден шықтым аттанып.
Барайын деп баптанып,
Ақ дидарын бір көріп,
Қызыққа қандым шаттанып.
Жадырап кеттім жайнадым,
Жəннатын жердің жайладым.
“Жан баспас” атгы əнімді
Өзіңе, қалқам, байладым.