Қарағым, қалқам, сені айтам
Үкілі Ыбырай · 1860–1930 · 16 жол
Көп ойлаймын, көп айтам,
Қарағым, қалқам, сені айтам.
Табынтты саған жаратқан,
Сүйгізші аппақ тамақтан.
Дүние жалған демеші,
Қолдашы мені, жебеші.
Ертеңім артық бүгіннен,
Сүйгізші қалқам тіліңнен.
Құштармын ғашық кезіңе,
Еліктім ынтық сөзіңе.
Құшақтап тұрып ерінген
Сүйгізші балдай ерніңнен.
Сағынып, қайғы жеп айтам,
Аққуым көлде деп айтам.
Өзгені қайтем сөз қылып,
Қарағым, қалқам сені айтам.