Қайран Гәкку (II түрі)
Үкілі Ыбырай · 1860–1930 · 12 жол
Таранған айдын көлде сіз бір аққу,
Мұндай сөз естіп пе едің, бек лəззəтлу?!
Сырнай мен домбыраның арасында,
Балқыған қорғасындай қайран Гəкку.
Асығыс бара жатыр өмір өтіп,
Өрт шалған табар ма екен кеңіл тетік.
Көргенде ажарыңды айдан аппақ,
Алайын қайғы шерді жеңілдетіп.
Шомылған дарияда сен қоңыр қаз,
Əнімді естіртейін айтып бір наз.
Айрылып сенен сəулем қалған күні,
Дұшпаным масайрайды-ау, болып бір мəз.