Гәкку (V түрі)
Үкілі Ыбырай · 1860–1930 · 12 жол
Таранған дария көлде-ай, сіз бір аққу,
Мұндай сөз естіп пе ең, бек лəззатлу?
Сырнай мен домбыраның, ей, арасында,
Балқыған қорғасындай қайран Гəкку.
Ақынға қиын емес өлең деген,
Адамның ойында жоқ өлем деген.
Талай жыл сағынғаным жарқ еткендей,
«Гəккудің» ақ дидарын көрем сенен.
Құс салып айдын көлде дабыл қақтым,
Əн салып талай елдің дəмін таттым.
Жиналып қыз-бозбала отырғанда,
«Гəккуді» қайтқан қаздай қаңқылдаттым.