Керей еліне
Үкілі Ыбырай · 1860–1930 · 16 жол
Атыңнан айналайын, Керейім-ай,
Тар жерде тары төксең, терейін-ай!
Тағдырға тоқсан тоғыз алғыс айтам,
Керейдей берген құтты мерейін-ай!
Төгілсе əнім көмейден,
Мерейлен, жаным, мерейлен.
Əнші, ақынды сыйлауда,
Ел аспайды Керейден.
Əр жерде тиіп еді пайдаң, Керей,
Ортаңда салып едім сайран, Керей.
Астыма ат мінгізіп, шапан жапқан,
Тақуа мырза мейір, қайран, Керей.
Керейдің өңшең кербез жігіттері,
Бірі сал, бірі балуан, бірі сері.
Табылар талай тарлан ақтаңгерлер,
Қысылсаң пана болар жігіт ері.