Бір айтқанда қармаған
Үкілі Ыбырай · 1860–1930 · 16 жол
Тас балқитын сөз шықса,
Қабылдай бірін алмаған.
Залымға қалар көңілің,
Жарқ етіп көзін салмаған.
Ат-жөні басқа естінің,
Алудан ғибрат талмаған.
Бір жақсы көрсе, қасынан,
Өле-өлгенше қалмаған.
Сертке берік ер жігіт,
Сөз бұзуға бармаған.
Жұмағын көрер жалғанның,
Ақ жолда тəңірім таңдаған.
Əне, сондай адамның,
Қылығына жанданам.
Əніңмен сөзді бұлжытпай,
Бір айтқанда қармаған.