Гәкку (IV түрі)
Үкілі Ыбырай · 1860–1930 · 12 жол
Қыздан да қылықтымын жүрген жерде,
Құлақ сал сөз сөйлеген біздей ерге.
Ақтамақ, шұбар бауыр қоңыр қаздай,
Сала алмас «Гəккуіме» ешбір пенде.
Ақынға қиын емес өлең деген,
Адамның ойында жоқ өлем деген.
Ақ көйлек, үкілі бөрік қыз секілді,
Басайын «Гəккуіме» көлбеңдеген.
Шомылған дарияда сен қоңыр қаз,
Əнімді естіртейін айтып бір наз.
Айрылып сенен, сəулем, қалған күні,
Дұшпаным масайрайды-ау, болып бір мəз.