Шолпан қаққан
Үкілі Ыбырай · 1860–1930 · 12 жол
Бір жұлдыз бар аспанда Шолпан қаққан,
Шарайнаның бетіне күміс жапқан.
Бөгелді, көп ағалар, сөге көрме,
Артың жүйрік аяғын томар қаққан.
Сəулем, сені сағындым, еркем-ай,
Сəулем ай, ай-яй, сəулем-ай.
Орамалдың шетіне түйдім өрік,
Жүзің сұлу болғанда қасың керік.
Қасың керік кəмшаттың құндызындай,
Екі-ай көзің Шолпанның жұлдызындай.
Сəулем, сені сағындым, еркем-ай,
Сəулем ай, ай-яй, сəулем-ай.