Толқын
Үкілі Ыбырай · 1860–1930 · 12 жол
Əуелі бұл толқынды бастау қиын,
Екінші көптің сөзін тастау қиын.
Төрт сөзің түгелімен шықпаған соң,
Барқырап топ ішінде қақсау қиын.
Толқынды айту керек жайлап қана,
Өзінің нақысымен сайлап қана.
Дариядай шалқып жатқан болмаса да,
Бұлақтай көзі шыққан сайрап қана.
Толқынды айту керек жалындай боп,
Екпіні емен жыққан дауылдай боп.
Мамырда майда мақпал жауып өткен,
Төгілтіп, нөсерлеткен жауындай боп.