Ыбырайдың Маңмаңгері
Үкілі Ыбырай · 1860–1930 · 12 жол
Маңмаңкер, кекілің келте, жалың майда,
Бал татыр шекер қосса қағаз шайға.
Жүрісің желмаядай, жануарым,
Көрейін қызығыңды осындайда.
Маңмаңгер, əн қосайын жүрісіңе,
Дер екен қалқа қалай келісе ме?
Сыдыртып Маңмаңкермен келе жатып,
Осы əнім құйқылжыған түсті есіме.
Жүйріктің келмей отыр əрбір жері,
Шығады шапқан сайын аттың тері.
Жорғаша мұзға салған майда жалды,
Шырқаған Ыбырайдың Маңмаңкері.