Қатын қамал
Жер-су аңыздары · 1 мин оқу
Ащысай кенішінен Кентауға қатынайтын жолдың бойында “Тас сарай” деп аталатын өзен кездеседі. Өзеннің сол жақ қапталында үлкен жартас бар. Жартастың беті жап-жазық та, төменгі жағы сүйірленіп келеді. Ал тастың жотасы қып-қызыл, ылғи қуарып жатады.
Бұл туралы елдің аузында мынадай аңыз сақталған: Ақтабан шұбырынды кезінде ауылдың ер-азаматтары соғыс даласында жүргенде жаулардың бір бөлігі үйде қалған қатын-қалаш, бала-шағаға шабуыл жасапты. Қолға түскен қорғансыз бейшараларды топырлатып айдап апарып, сол маңдағы бір жартасқа қамапты. Сөйтіп, жазықсыз бейбақтардың көз жастарын сорғалата, ебіл-дебіл, улап-шулағандарына қарамастан, сол жерде бәрін қойша бауыздап, қырып салған екен…
Содан қып-қызыл қанға бөккен әлгі жота күреңітіп, мәңгіге қуарып қалған деседі. Ал қырғын болып өткен жартас “Қатын қамал” деп аталып кеткен көрінеді.