Сауран және Бозақор
Жер-су аңыздары · 1 мин оқу
Көне қалалардың бірі Сауранның ар жағында Бесарық бекетінен бес шақырым жерде Бозақор деген қала болыпты. Сол қалада боза істеп, Жібек жолынан керуендермен өткен жолаушы саудагерлерге сатады екен. Сондықтан ол қаланы Бозақор деп атаған екен. Сол Бозақор деген қалада халқы ешкінің қылын қосып кесек құяды екен. Кесегі мұқалмайтын мықты болатын көрінеді. Сол кесектен орта ғасырда аты танымал ірі қалалардың бірі саналған Сауран қаласы тұрғызылыпты-мыс.