Қожанасырдың ұн қарыз алуы
1 мин оқу
Бір күні Қожанасыр көршісінен ұн қарыз алып, үйіне келе жатса, ұйқы-тұйқы жел соғып, шарадағы ұнын бұрқыратып шашады да кетеді. Қожанасыр көзін бір ашып, бір жұмып үйіне кірсе, шарада бір шөкім де ұн қалмапты. Ызаланған Қожанасыр жұдырықтай тасты табағына толтырып алып, далаға шығып:
—Күшің жетсе, мына тасты ұшыр, «әлім жетті» деп ұнды шашқанша,—деген екен.