Қожанасырдың сандыққа жасырынуы
1 мин оқу
Қожанасырдың үйіне бір топ ұрылар іс-міс жоқ кіріп келіпті. Оны сезіп қалған Қожанасыр олардан бұрын өз сандығына кіріп жасырынып үлгіреді. Ұрылар ары-бері тіміскілеп жүріп, үйден жарамды дәнеме де таба алмаған соң, сандықты ашып қараса, оның ішінде бұғып, жасырынып жатқан Қожанасырды көреді. Ұрылар:
—Хош, бұл қалай, сандықтың ішінде не істеп жатырсың?
—Үйде сендер алатын жарамды ешнәрсе болмаса да сендердің арсыздықпен кіргендеріңе намысым келіп ұялып жатырмын,—депті.