ТЫМПИ (І түрі)
1 мин оқу
Қожанасыр мен әйелі қорадағы есегіне кезектесіп қарауыл болады екен. Бір күні әйелі екеуі серттесіп:
—Кім бұрын сөйлесе, сол кезексіз қарауыл болады,—депті. Қожанасыр да сөйлемейді, әйелі де сөйлемейді. Мұнысынан хабар тапқан бір қу ұры екеуінің көзінше есекті жетелеп ала жөнеліпті. Мұны көріп тұрып, шыдамы таусылған әйелі:
—Әкетті,—деп сөйлеп жібереді.
Қожанасыр:
—Ал, ендеше, есекке сен қарауыл боласың,—деген екен.