Қожанасырдың біреудің қойын сойып алуы
1 мин оқу
Қожанасыр көшеде адасып жүрген қойды үйіне әкеп сойып алады. Оны сыр етіп жолдасына айтады. Жолдасы қойдың етінен тата алмағанына өкініп, Қожанасырға:
—Қияметке барғанда не деп жауап бересіз?—дейді.
—Танамын, мен жегенім жоқ деймін.
—Жоқ, тана алмайсыз, қойдың өзі келіп куә болады ғой,— дейді.
—Қойдың өзі келсе, тіпті жақсы, ұстап алып иесіне берер едім,—депті Қожанасыр.