Қожанасырдың сауда жасағаны
1 мин оқу
Қожанасыр бір жылы қауын егіп, қап-қап қылып қақ кептіреді. Оны базарға шығарып сатпақшы болады. Сөйтіп бір қабын арқалап, қолына ақ таяқты алып, базардың ортасына келіп:
—Қақ сатам, қақ сатам!—деп жар салып тұрғанын көрген халық:
—Мына бәле таяқпен ұрып, «қақсатам» деп тұр ғой. Басымыз аманында қашып құтылайық,—десіп, үйді-үйіне тарап кетіпті.