Конобалопқа
Ақан сері Қорамсаұлы · 1843–1913 · 20 жол
Конобалоп, ақсай бастың аяғыңды,
Түсірдің барымтаға таяғыңды.
К..ңе Есенбайым салды дүре,
Əзер болса бір бөлек саяғыңды.
Параны Шалабайдан оңдап алдың,
Басыңды бос мойныңнан қорғап қалдың.
Бозбала бет-ауызға сабағанда,
Ақшаңдап шолақ иттей жолда қалдың.
Шалабай, болыс болдың пара сайлап,
Соғыстың жеті ұлыңмен алақайлап.
Жақсылық пен жамандық тең бола ма,
Уағдаң құдай деген болды ыжалп.
Смағұл, айналайын алтыным-ай,
Бір құдай сақтай көрсін, жарқыным-ай.
Жанына жігіттерін ертіп алып,
Алды ғой ерлікпенен теңдігін-ай.
Смағұл, болғандайсың елге тұтқа,
Тұлпардың баласы едің мəлім жұртқа.
Иншалла, тиянақты жұрт кемесі,
Бір тоқтамай кете алмас Қазықұртқа.