Зеңгіш Баб
Тарихи-діни аңыздар · 1 мин оқу
Құшатаның шығысында 6 шақырымдай жерде «Қотырбұлақ» деп аталатын ауыл бар. Ертеректе осы жерде ағып жатқан шипалы бұлақтың суы адамның да, малдың да қотыр ауруына дауа болған. Осы «Қотырбұлақ» жерінде Әл-Фарабидің бес ұстазының бірі саналатын Зеңгіш бабтың мазары бар. Бұрындары оның тек аты аталатыны болмаса, көп назарына іліге бермейтін. Соңғы уақытта Зеңгіш бабтың басына ел-жұрт қайта күмбез тұрғызып, шырақшы сайлап, жиі зиярат етіп түнейтін орындардың біріне айналдырды.