Құрама
Үкілі Ыбырай · 1860–1930 · 16 жол
Əнім бұл салған — “Құрама”,
Дауысым тозған шағында.
Бұл жалған мəңгі тұра ма,
Орамай бұлдыр сағымға?
Əн сал десең, əлеумет,
Шырқайын қуат барында,
Қалмай да қойды ескі əдет,
Шашымның мынау ағында.
Тарлан көк енді жорғалар,
Көп думан келсе ағылып.
Домбырасын қолға алар,
Қалған екен сағынып.
Біраз шырқап берейін,
Дариядай шалқар ағылып.
Əлеумет, өссін мерейің,
Қалмаса күшім тарылып.