Жабықбайға айтқан сөзі
Әсет Найманбайұлы · 1867–1923 · 18 жол
Бұ кісі, Жабықбай ма аты шыққан,
Адуын күрескеннің бәрін жыққан?
Досың да, дұшпаның да ер болсын деп,
Қалған сөз ескі сарын жұртшылықтан.
Кісі екен дегенде-ақ байқауымша
Атадан озып туған сайыпқыран.
Сыртынан, ел аузынан естуімдей,
Көргенде болмай шықты ойда күмән.
Екі дүние бағытын тең ойлайтын,
Қолы бос болмайтындай құлшылықтан,
Ей, Жақа, қолыңды әпкел, көріселік,
Үй іші, есен-сау ма бала-шағаң?
Іленің қасиетті ауасында,
Денсаулық таза жүр ме сырқағаннан?
Мен өзім кеше күндіз Қайшыда едім,
Қайтсам деп дидарласып келдім саған.
Отырыңыз, тамақ іш бізбен бірге,
Сөзімді кейін айтам іште қалған.